CHA-IA HAWHTA CHÂ LEIPA TA, HLO-IA HAWH BÂ TA SY.....

-         - R.Israel Chozah

Photo credits : Pinterest.com

Eikha cha Paw Pakha he chavah liata CHA-IA pahao ta, apatu chiehpazy cha Beih/Dekchi liana heta khô lymâ ta, Chyhsa pakha ta, cha Cha-ia, beih tawtawpa lia akhôpa cha moh ta ama pua/ârâ khai aw tahpa chikhei kawpa ta, chhiehruh ha awpata chho ta, Chahrasala, Cha paw deikua chata a pualei awpazie hetana heta avaw reih, “Cha-ia nah rai rai cha ama zydua ta Beih tawhta pua âchhuah khai taraw ei ta, châhrasala kiah via ei ta, Beitlâh ama tlô hlâta âchakie parai lilaw lymâ ei ta, apua theipa y beih vei ei”  tahpa ta avaw palie...

He he âdo kaw..Hrochhôh khihsana nata Ngiapâna lâthlôh eima siena liata zy, achipho nata khitlah hawhta keih chakâ laihna liata Keimo nata keimo âreipachhiena, âdyhleina , a isinazy heta miah parai pathla lymâ tyh ta..âduah papua avaw ru ngaita tyh....! Cha-ia he cha alâsie lia chhao âsia lâ saita siepa châta, âdo lâ raita sie thai vei..! Chavâta Cha-ia hawhta â sia lâta sie tah, Awnanopa nta mohro reipachhie, achakana sai tlua,, tlohleina sai hmô etc tahpa heta hnôh miah pasysa rili tyhta, miah aparai pathlah lymâ tyh...chavâta azohna lâ saita hmo sai tyhpa he chyhsa mopakha, Py nata ngiapatuhpa Awnanopazy eima châna zie awpa cha vei..! Arairu kawna lia chhaota viasazy tha pathyutuhpa nata Awnano deichhy hnolotuhpa, akhaihna zie lymâ ta hmo sai tyhpa tlao eima châ awpa achâ...

Cha khiahta cha Cha-ia nôchâ zileipa ta ahy nôchâ e eimâ zi/mopâ aw tly.??? E..e e...Bible ta chyhsapa,  Ngiapatuhpazy cha HLO-IA nôchâ hrozie âmopâ ta âchu awhpa ta miah achho kha zaw...! Hlo ia nah rai rai cha tiama ngaita ei ta, ama duty chyu lia ngâchhih ngâsapa nata tiama ngâsapa ta ama hria hnolo tyh..ahyhmah ahnawti leipa ei ta, âmo chyu kha ama tao awpa lia hriapasa ei ta, chavâta kyhchhie âreih hmâ awpa nata phaleina/tlohleina âhmô ta ârarô hmâ awhpa rai châ hmâ vei ei... Ama reiraoh ta, thlai thlai amâ bao parah lymâ, pakha ta apahnie leipa or arairukhei kawpa hmo ama pahno/hmô patanata cha, thlai âbao/deichhy awpata âma by palô thei pâ lymâ!... Lôkâh kavoh kia abyuhna nata Chavah chahaoh tai awpa abyuhna nata rairu chaina daihti lia chhaota, ku âpatu or âsie khai hapata ädeichhy ei ta, hleidy pha kawpa ta âdao pata, achiehlei viapa nata hnôhlâ ypazy ta thlalôh ngâsapa ta âmâ hli papua khai thei lymâ!..chavâta kheihhawh pa su rairuna chai lia chhao y hrei sala, âdeichhy veichâh lymä pata amâ pachha papua khai thei tyh....

Keimo ngiapatuhpazy nata achipho nata khitlah hawh chhao heta, Hlo ia hawhta tiama pata hria chyu ta, eima maophaohna chyu liata ngâchhihpa ta hria hnolo awpa nata âpôhkha rili lymâ pata eimâ deichhy veichäh lymâ awpa he eima hroh papuana, âduah papuana nata hmahsiena châta eimä ngiah chaipa achâ tahpa khâ âthei chyu suh u.. CHA-IA HAWH CHÂ LEIPA TA HLO-IA HAWH BÂ TA SY