EM THIEHPA NATA NOMINATED MDC 3 LAPANGIA

Siaha 23rd Thlazoh : Zâhnia zâlâ dawh 1:30 khata 11th Term MADC sawhkhâna liata Nominated MDC pa 3-nahzy nata EM thiehpa pa 3 nahzy cha MADC Forest Hall liata bietaina hneipata la pangiapa ama châ.

Nominated MDC 3-zy nata EM thiehpa 3-zy lapangiana daihti he Puhpa Pachi Hlychho, Secretary to MADC ta chhihthapa ta, Rev DR ST Zawsi ta daihti pavaosana a hnei tawhta Nominated MDC-zy nata EM thiehpazy he ngâchhihna bietaina pahneisapa ta lapangiapa ama châ.

Nominated MDC bietaina alapazy he Puhpa Pasa T. Azyu, Pihno A. Merry, Pihno Ngunsuii châ ei ta; EM 3 rao thiehpazy he Puhpa V.Vanhupa, Puhpa L.Prisila nata Puhpa Beirahmô Syhly-zy ama châ.

Nominated MDC pa-3 pazy he Puhpa Jeff M.Sanga, Court President & Recorder, MADC ta bietaina pahneisapa ta, Executive Member châta lapangia thiehpazy he Siaha DC, Pihnô Harleen Kaur ta bietaina a pahneisa ei.

EM thiehpa pathôhzy nata Department ama mohôh awpazy cha : Puhpa V. Vanhupa, Executive Member - Land Revenue & Settlement, Coorporation, Law & Judicial; Puhpa L. Prisila, Executive Member - Soil & Water Conservation, Social Walfare, Parliamentary Affairs
Puhpa Beirahmo Syhly, Executive Member - Sports & Youths, A.H & Vety, Protocol