KM 10 LIATA STRAWBERRY CHHEITUHPAZY RAIRUNA PATHLÂPAZI ACHHUAHPA TA KVK SIAHA TA THAPI A PHIA HAI.
KVK liata athaisopazy heta strawberry
pasana hri vâta a raopa he ama pahno patawnah ta a su lâ ngaipa ta mohpasiapâ
lymâ ei ta, he Strawberry vaw rao khai rô ha ta, a su liata hmoto mohpasiapa
ta, achupasia n’awpa ta hmo angiahpazy chhao lapakhypa ta, a raona chhâpa nata
hri aparaotuhpa cha pahnopapua achhuahpa ta achu ei ta; Strawberry daw100
rachhôh cha a thari dua ta phia ta achupasia ei ta, lôvâpa/chângyu (root
weevil) athata avaw parao tahpa hmôpapuapa châ ta, he lôvâpa (root weevil)
hleikhôna heta tholôpa (white grubs) nata red stele, black root rod, verticillium
wilt nata leaf spot zy ta chhao ama vaw parao tahpa hmôpapuapa châ ta, a
paraotuh chaipa deikua cha Root Weevil (lôvâpa chi kha) a châ tahpa hmôpapuapa
a châ.
A ei thôh n’awpa ta KVK atahmâ thlâpâ thla thaona lâ liana khata thohna byuhpa nata angiahpa ta ama pahnopazy a cheipa ta Km 10 he tly heih ei ta, Strawberry dawpa ama hnei thei n’awpa ta carbofuran nata chloropyriphas hmâpa ta lei pathaipathaona dâh (method demonstration) pachupâpa châ ei ta, he hleikhôna heta formaldehyde hmâpa ta su hro chhao alei pathaipathaopa ama châ hra.
Pasana hri parao tu
leina su liatapa Strawberry daw hropa lapa ei ta, he strawberry dawpazy he
copper oxychloride ti liata pachiepa châ ei ta, he chichei dawpazy he alei
patohpatia hapa (treated soil) liata bôpa châ ei ta, Mancozeb hmâpa ta he
chichei dawpazy he pasana hri (disease) tawhta amâ boh thei n’awpa ta ka
(spray)-pa ama châ.
Hetana heta atakô châta cha Strawberry zy he
chheipapua theipapua thei khao leipa aw ei ta, anodeikua cha KVK athaisopazy
zawzi ta hâkô lâta cha a pha kawpa ta Strawberry he ama chheipapua thei ha heih
na ta a hnabeiseihpa a châ.
No comments