UNAWH A PI CHAKHYHPA CHÂ VEI EI!

Photo Credits : Live Journal 

Photographer : Joe O'Donell

He nohthlahpa he pakhâta ta moh tua? Khâpa na hmô? Chapaw hawti pakha a nawhta a pi nopa na hmô ma? Mohpasia via heih tua. He nohthlahpa liata phôhpa lôhhiah pachhihsa kawpa a ziepa he pahno ha la cha he nohthlahpa he mopakhô thlâhthli aw va chi!

He nohthlahpa je Adyuhpi ei  2-na liata US ta Japan khihpi miakha Nagasaki liata Atom bomb pathlapa ta, khizaw chyhsazy chôta tlahnaona rarô y chaipa ama patlôsa khai dyuta nota lapa châ ta, nohthlah alatuhpa he US Marine nohthlahlatuhpa Joe O'Donnel a châ. Nohthlahlatuhpa sawchapaw ta a reina dâhta cha he nohthlahpa vâna heta a paw O'Donnel heta  'Depression' a hneipã ngâkaw. 

He nohthlahpa liata palôh a hria kawpa hmo â ziepa cha he he a châ: 

Nohthlahpa liata chapaw hawti lai viapa ta a pi ngâpa he a pituhpa nawhta châ ta, Atom Bomb vâta a hrona a pahlei hapa a châ. A uhta heta a nawhta ri he athihpa ri mei ta ama raona su (Crematorium) liata a pha kawpa ta raopa a châ hra tjei n'awpa ta ano tlai ta a nawhta hrona rai ta a hnei khao leipa, a thi hapa he pipa ta, athihpa ri ama raona lâ he ngaikhei ta, a nawhta ri mei ta ama rao nona chhao heta cha khoh leipa ta, palôh pasana nata kyhpachâna vâta â mao-ohna liata a hmao deikua a thiphih ngâna taihta pua â sie leithei vei!

He nohthlahpa heta chhyuna nata chyhsapazy pasa taona a pamosa hmeiseih...