MPSC Exam Fee he a mâ a ru ma?

State hropa hlâta Exam Fee a mâ ru viapa hawhta hiahrihna âchhypa ta MPSC Secretary Lalzirmawia Chhangte chata, “State hropa hlâta cha a mâ ru via ngyu aw. Mawrâh he state sipasapa eima châpa vâta Finance Department lâ tawhta Fee pasâh via awpa ta a hnabeiseihpa châ pi ta, chavâta eima pasâhpa a châ,” a ta. 

MPSC heta exam fee châna heta Scheduled Tribe nata Scheduled Caste-liata Rs.250+ Rs. 20 (form mâ) a zydua ta Rs. 270 nata General châta Rs. 300 la hai ta. Atliata department 4 - SAD, Excise, Social Wefare & Agriculture liata UDC 7 lana awpa ta a eihhrâhpa sai ta Advertisement papuapa châ ta, Department to liata exam tao awpa ta cha Rs. 270/- lymâ chei a ngiah ta, exam paki awpa ta Rs. 1080/- chei a ngiah ta, he he exam-awpazy châta phaohri a tlohpa vâta nata apachaihpa ta thotlâh lâ tawhta Aizawl-liata exam awpazy châta sievawna liata hryuh awpa zie â sâh kawpa vâta seisiana hluh kaw tyh ta. MPSC heta Mizoram Civil Service (MCS), Mizoram Finance & Account Service (MFAS) nata Mizoram Information Service (MIS) rai la awpa heta atliata liana khata Combine Service Exam pachhuahpanoh ta, he he exam-pazy châta a naosiapa hleikhôta MPSC châta chhao a eihhrâhpa ta Exam pachhuahpanoh angiah leipa ta a rainao via hra.

India Maw-nochhi State nano nanopazy ta Public Service Commission Exam Fee ama lana dâh 

1. Assam – Rs. 150 SC/ST, general – 300.

2. Arunachal – Rs.120 ST/SC, general 180.

3. Manipur Rs. 150 (ST/SC), general Rs. 300

4. Tripura – Gr.A Rs.150 ST/SC/BPL, general – Rs.200

5. Meghalaya – General – Gr. A – Rs.460, Fee chanve ST/SC

6. UPSC – free for ST,SC,Women etc.

- Zalen