PM Narendra Modi Pihna noh alykheina châta phusâ (paise) 68 ama paphao

Photo : Paise 68 Cheque

Kurnool, Andhra Pradesh liata NGO miakha, Rayalaseema Saguneeti Sadhana Samithi cha zâhnia ta Prime Minister Narendra Modi pihna noh (Birthday) liana khata PM hnohna heta Phusâ (Paise) 68 cha a pihna noh alykheina châta ama paphao. He he ama duasu chhie tu hapa vâta uasa a hlao leipa vâta a châ, ama ta. He NGO liata manôh thokhazy he lyutaopa riethei kawpa sahlaozy châ ei ta, noh a kâhpa vâta rairuna a tyh haipazy ama châ, tahpa ta B Dasarath Reddy, Samithi President chata a rei.

“Eima yna bia chhôh liana heta chavah athata loh taraw hrasala sawhkhâ lâ tawhta tilana châta hmahlana (Irrigation Project) nata ti eima nie awpa la n’awpa châta hmahlana a y leipa vâta rairuna eimâ tyh hapa a châ. Eima rairunazy he palâsa awpa eima khoh kawpa vâta ryhpaohna chaleipa ta phusâ 68 he a Cheque ta PM Modi pihna noh alykheina châta eima paphao hapa a châ,’’ tahpa ta, Modi kô 67-tlohna a châ tarawpa ta eima NGO manôh hryta thokha ta a kô 68-na ama tahpa vâta Phusâ 68 eima paphao hapa a châ” Reddy heta a tah hra.

Reddy chata AP Reorganisation Act liata Rayalaseema bia cha “Baona eihhrâhpa pie awpa”  tahpa a y tarawpa ta khâpa hmahta hmahlana y vei, tahpa ta, “Hmahsiena rai ama hriapazy cha dusaw ngaita ta. Thua taopapuana, Rel lâthlôh, University taihta bie ataihpa a châ tarawpa ta hmahlana hmô awpa a sôh kaw,’’ Reddy heta a tah hra.

He hawhta PM Modi pihna noh liata Phusâ (Paise) 68 ama paphaopa heta yzie a hnei sualuah vâ tlyma?