Special Summary Revision of Photo Electoral Roll,2017 chôchâh atyuhpahmaohna hnei

Atanoh nohchhôh dawh 12:30 khata Siaha DC’s Conference Hall-liata District Level Standing Committee Member zy ta Special Summary Revision of Photo Electoral Roll,2017 chôchâh atyuhpahmaohna hneipa ta, he atyuhpahmaohna he Pihnô Harleen Kaur, DC, Siaha ta a chhihtha. 

Hâkô MLA ATlyhna liata Electoral roll pachhuahpanoh haipa qualifying Date cha târi 1/1/2018 châ ta,  he yzie cha târi 1.1.2018-liata kô 18  atlohpazy ta Vote ama hnei thei aw, tahna a châ.  Photo Electoral Roll Revision  siekhei n’awpa dâh cha he hawhna heta ryraopa a châ :

Târi 15/9/2017-liata Draft Roll palâhâhpa châ aw ta. Târi 15/9/2017-13/10/2017 chhôhta Claims & Objects zy pangia awpa châ ta; târi 16/9/2017-30/10/2017 chhôhta Photo E/Roll palâhâh hapa cha GramSabha, RWA  meeting nata ahropazy siepahliepa ta â pahnosapa châ aw ta. Târi 23/9/2017-7/10/2017 chhôh heta Booth Level Agent zy nata Political Party zy ta  Claims & Objects chôchâh liata Special Campaign ama hnei aw. Târi 10/11/2017 heta EROnet siepahliepa ta Claims & Objects zy pasiapanôpa châ aw ta.

Photo : Harleen Kaur, IAS, DC Siaha

Târi 20/12/2017 liata Data Base Update zy, Photo Merging zy nata Photo E/Roll  print pa zy taopa châ aw ta.

Târi 15/1/2018 liata Final Photo E/Roll palâhâhpa a châ aw.

Election Commission of India chata Claims & Objects zy online ta tao thei awpa ta EROnet palâhâh ta, he website www.nvsp.in  siepahliepa ta tao theipa a châ. 

Representation of People Act, 1951 ry liata section 28A palâsapa hawhta, Sawhkhâ raihriapa a pachaihpa ta BLO ta raopazy ta atlyhna ahniahnipa hmo liata ama maophaohna (duty)  ama taopazy cha sawhkhâ rai ama hriana liata ama duty-pa hawhta apyhpa a châ hra. 

Mizoram   State ti nata râh chyhsa, pheisaih châpa ta State khôtholâ ta a ypazy cha Service Voters hawhta apyhpa châ aw ei ta. De Novo (from the beginning)  registration liata ama qualifying date cha 1/1/2018 châ aw ta, ama  Final E/Roll he târi 18/10/2017 liata palâhâhpa a châ aw.