CMO Office chata hawsaihpa thinazie IMR – liata Siaha District cha Mawrâh liata â sâh chaipa châ ngâthlâh ha chy ta, châhrasala hmah a sie lymâ tahpa palâsa ta. July –August chhôh khata hawsaih 7 thi ei ta, 2nd Quarter-liata IMR he 34 a chânazie palâsapa a châ.

Atanoh zâlâ dawh 1:00Pm khata Siaha DC’s Conference Room-liata District Development Co-Ordination and Monitoring Committee (DCCMC/DISHA) hneipa a châ. Atanohta DISHA Meeting he Puhpa C.L. Ruala Hon’ble MP (Lok Sabha) Chairman, DDCMC nata Puhpa Ronald Sapa Tlau, Hon’ble MP (Rajya Sabha) Co-Chairman, DDCMC zy ta ama chhihtha.

Atanohta DISHA Meeting-liana heta 1st nata 2nd Quarter (April-September, 2017) chhôhta Centrally Sponsored Scheme (CSS) hriapa nata â hniahnipa Department nano nanopazy ta Quarter no (April-Sept, 2017)  chhôhta ama raihriapa nata hmahlanazy, nata ama rai chhâchabâhpazy cha a kawh thei chaina hawhta reipahmaohpa a châ.

Atanohta Meeting-liana heta DRDA Department chata he Quarter no chhôh heta MGNREGS ahlaona noh 38 châta ama hria tahpa reih ei ta. Siaha-II,  IWMP Fund Rs.65,77,690/- cha Oct, 2015 tawhna khata DWCDC liata pathaopa a châ tahpa palâsapa a châ hra. DPC, SSA tawhta Mid-Day Meal Fund chhao a daihti ta liata ama dao hana zie reipa châ ta. District Science Seminar liata Siaha District vyuhpata a hlaopa achuhaipa pano : Miranda Vytuchho nata Chinneihkim Khuangsaimi zy chata State Level Science Seminar-liata sâkhana nata sânona lymâ ama la tahpa nata Miranda Vytuchho chata National Level-liata Mizoram State vyuhtuapa ta a sie awpa zie District Education Officer chata a palâsa. EE,P&E chhaota Report piepa ta, DEENDAYAL UPADHYAYA GRAM JOYTI YOJANA  ry liata Rural Electricity Distribution Backbone (REDB) châta tlaw thysy 1751.46 hmâpa ta thatlô kawpa ta hmahla haipa a chânazie a palâsa hra.

DAO tawhta Pradhan Mantra Krishi Sinchayee Yojana (PMKSY) he Mawrâh liata kô 2016, August noh 18 tawhta hmâ pathaopa châ ta, atahmâ he Siaha District liata cha he project nano nanopa :- Restoration/Renovation of Small Tank nata Construction of Secondary Storage Structure, Construction of Water Harvesting Structure zy cha patlô khai hapa a chânazie Report nahthliepa a châ hra.

PWD  tawhta PMGSY ry liata raihriapa hryta Siachangkawn-Vawmbuk Road Pavement Works nata  Kaochao-Saikao Road Pavement Works zy cha patlô hapa a châ, tahpa report daopa châ ta. He hleikhôta rai sie haipa kô 2017-2018 chhôh heta patlô hmâ awpa ta a hnabeiseihpa a chânazie nahthliepa a châ.  Noaotlah - Chakhei Road, Pavement Works deikua Contract he pachhâsa awpa ta Process haipa a chânazie report-pa a châ hra.

DSWO chata  Machâ hlao (NSAP)  Beneficiaries zy cha DBT hlâta cha taozie parohpa hawhta, ama ku lia cheingei ta phusâ piepa cha ama khoh vianazie Department hnohta ama tlôkheina zie a reih hra.

CMO Office chata hawsaihpa thinazie IMR – liata Siaha District cha Mawrâhj liata â sâh chaipa châ ngâthlâh ha chy ta, châhrasala hmah a sie lymâ tahpa palâsa ta. July –August chhôh khata hawsaih 7 thi ei ta, 2nd Quarter-liata IMR he 34 a chânazie palâsapa a châ.

EE, PHED chata  report piepa ta, Renewal & Augmentation of Greater Siaha WSS chôchâh liata report piepa ta, GSWSSA he  17/3/2016 liata Commissioned hapa châ ta, atanoh taihta Diesel Engine hmâpa ti he Pump haipa châ ta. Contractor ta 1600KVA Transformer avaw bôpa cha a pha-âh leipa vâta Silchar-liata taopathi haipa châ ta, thlaita avaw tlô na ta a hnabeiseihpa a châ hainazie a reih hra.

MP panozy heta Siaha District ta Prime Minister Award for excellence in Public Administration lymâ a lapa vâta Siaha District zawpi nata sawhkhâ Official-zy amâ lykheizie ama reih.