Atazâ Mara Idol 2017 Grand Finale : Ahy ta e tlaw 100000 daopa ta Mara Idol 2017 lakho â kho aw?

Mararâh liata Reality Show lai chaipa nata pasô a hlao chaipa, ‘Mara Idol 2017’ cha atazâ heta Khaihra Hall, New Colony, Siaha liata Merina Hlychho, Andy Vabeikhai Bôhia nata Beihrochhitha Azyu-zy ta ataopasuana hnôh chaipa hneipa ta, Mara Idol 2017 lakho amâ chhu bâ aw.

Beihrochhitha Azyu (Top 3)

Andy Vabeikhai Bohia (Top 3)

Merina Hlychho (Top 3)

Atazâ ta Mara Idol 2017 Grand Finale zâ he ‘Mara Night’ tahpa ta â hmâpa châ aw ta. He daihti avaw hlaopa zydua cha Mara Atobina ta atobi khai awpa ta Mara Idol Organising Board chata ama pahnosa. Top 10-zy ta Mara Idol 2017 Hlapipa sana hnei aw ei ta, Top 3-zy ta ataopasuana ama hnei aw. He zâ heta result phuahpâpa châ aw ta, lymâ chhao raipâpa a châ hra aw.

Atakô Idol lymâ he kôhropa zydua hlâta pha via ta. Sâkhana (Idol) heta tlaw 100000 hleikhôta Trophy, CELLWORLD Mobile Daoh, New Colony Siaha ta ama Sponsored-pa dao aw ta; 2-na ta tlaw 70,000 nata Trophy, 3-na ta tlaw 50,000 nata Trophy a dao hra aw.