Avaihna a hlao leipa ta O chhâhsâh kawpazy kiah tyhpa Chinese Wu Yongning cha O chhâhsâhpa tawhta a tlasao

Photo Credit : Weibo

O chhâhsâh kawpazy kiah laih ta Social Media liata a moh â lâluah kawpa, Chinese O chhâhsâhpa kiah tyhpa, riahpha (eima tah ma?) Wu Yongning cha O chhâhsâhpa a kiana liata a piechheipa ta a hrona a pahlei.

Wu Yongning heta China Social Media alâluah kawpa Weibo liata a hmotao tyhpa, abohna/avaihna chhaichhi a hlao tlâ leipa ta O chhâhsâhpa a kiah tyhpa vâta pazituhpa (Follower) pazai kaw ta.

Photo Credit : Weibo

Phiapi thlâpâ tawhna khata Weibo Social Media liata a hmo ‘Post’ tyhpa â chalihsai hapa vâta ano vaw mokhâhtuhpa nata pazituhpazy ama noraih kaw ta. Thâtih siapa chhao thlai âvaw lâpa ta Wu Yongning he O chhâhsâhpa, chhâh 62-ta â sâhpa, Changsha khihpi liatapa a kia nota a piepasipa ta, a hrona a pahlei tahpa cha thâtihbuzy ta ama vaw palâsa hapa a châ. Thâtih siapa hawhta pachâpa ta a palâsana dâhta cha he kô 26-ta uhtheipa he târi Phiapi 8 2017 khata thi ha ta; anodeikua a thâtih he a khonô ta Di thlâpâ liata avaw tawhpapua.