Europe liata Goal a khô hluh chaipa : Harry Kane ta Premier League Goal Record taopa ta; Lionel Messi chhaopa ta kô 2017 chhôhta Europe liata goal khô hluh chaipa a châ ha hra

Tottenham Hotspur Striker Harry Kane chata kô kha chhôhta Premier League liata goal khô hluh chaipa châna topa ta, goal 55 a khô patloh haw. Kane heta Premier League liata dei châ leipa ta kô 2017 chhôhta Europe liata goal khô hluh chaipa châna chhao a topâ ha heih hra. Kane heta Southampton nahta amâ khaih nota minute 22-na liata atahmâ season EPL liata a goal 37-na khô ta; he goal hmâpa heta kô 1995 liata Blackburn Rovers liata â khaih nota Alan Shearer ta Record a taopa cha chhao ta. He khai tawhta Kane pyly heta minute 39-na liata za khô heihpa ta, Shearer goal khôpazie a chhaona cha a za pahluh via ha heihpa a châ.

He a goal nona chhao heta kô 2017 chhôhta a Club nata râh châta ataopasuana zydua liata goal 55 a khô ha tahna châ ta. Hetana heta Kane heta Barcelona Player rônahpa Lionel Messi chhaopa ta Europe liata goal khô hluh chaipa a châ hapa a châ. Messi heta atakô chhôh heta Kane he goal khô hluhna lâta chhao awpa khoh kaw hrasala, kô 2017 liata Barcelona amâ khaih khao mâh lei awpa vâta goal 54 liata a palôh  apatlâh chy awpa â ngiah thlâh ha bâ aw.

Kane heta Burnley nahta amâ khaih nota Hattrick a tao tawhna khata Shearer record chhao awpa achhuahna a hnei ha, a ta. Kô 24-heta EPL liata a goal 37-na he khaih 36-na liata patloh ta, he hawhta a châ nota Shearer khata goal 36 khô awpa khata khaih 42 â khaih hmâ.

Harry Kane ta a Record taopa a chhao tahpa a pahno patawnah ta Shearer chata thlai alykheina paphaopa ta : "Kô 2017 he na châta la kô phapa la a châ. He he nâ phuh hmeiseih. Ei châ lykhei hmeiseih" a ta.

Kô kha chhôhta EPL liata goal avaw khô hluhpa mohropazy cha

• Robin van Persie, kô 2011 liata Arsenal châta goal 35 a khô.
• Thierry Henry ta kô 2004 liata Arsenal châta goal 34 a khô.
• Ruud van Nistelrooy ta kô 2003 liata Manchester United châta goal 30 a khô.
• Les Ferdinand ta kô 1995 liana khata QPR nata Newcastle United châta goal 15 rairie khôpa ta goal 30 a khô hra.