Mara reih achuna Video Palâhâh : Mara Writers Club Pachhuahpanohpa ‘Mara reih achuna Video’ palâhâhpa a châ

Atanoh zâlâ dawh 2:00-pa khata Mara Writers Club ta Mara reih achuna Video ama pachhuahpanohpa cha Puhpa V.Zacho, Executive Secretary, MADC, Siaha ta a chhôhpadâhpa liata a palâhâh.

He Mara reih achuna Video palâhâhna daihti he Satlia FC Chhuasa, President, MWC ta chhihthapa ta, Puhpa Pachi Hlychho, Legislative Secretary, MADC ta daihtiziehpa hmâhpa ta, St HC Malsawmthanga, Secretary, MWC tawhta Technical Report nahthliepa a châ tawhta Video he Puhpa V.Zacho ta a palâhâh.

MWC ta Mara reih achuna Video ama pachhuahpanohpa Satlia Sôtu, USA tawhta sôhthih zydua âvaw tôhpa ta, he Video liana Mara reih pachutuhpazy he MWC manôhzy ama châ.