Cheural BCM awnano kô thieh kyhchhina pati niepasipazy ama zie y via lymâ

Cheural BCM Awnanopa kothiehpa alyna kyhchhina pati niepasipazy cha ama zie-y via lyma.

Tlâleipa zy he Zâhnia kha Siaha nata South Lungpher Dawty (doctor) zyta âkaw hmô (tly) pata ama duasu azie ypa vâta amâ disai lilaw heih chy. Serkawn Christian Hospital liata Dawty Specialists nata Medical Team zyta ama châh chiepâ thlâh ha Chy eita, BCM Headquarters General Secretary Rev. F. Ramdinmawia nata chhituh hropa zy chhao tlâleipa zy he amâ kawhmô hra.

Tlâleipa pakha Siaha Thohna O liata sopa chhao phana lâ pangai lymâ pata azie y via lymâ tahpa ta a su lâta khy pazy ta ama reih. Cheural khitlâh Chhithatuhpa zyta Sawkhâ Health Deptt. nata BCM Awnano chhituhpa zyta ama pachâ peimawpa nata Awnano chyhsa zy thlachhâna kheina liata âlyna bie ama reih pâ hra.

He nona heta Cheural khih kiah/Opa Sangau khih liata Awnano thokha - Baptist Church of Mizoram, Presbyterian Church of India nata United Penticostal Church (NE) Sangau - II zyta zâhnia taih khata KHAZOH reithaina nata palyupalihna Charei pakhyna Kyhchhina chhaota amâ hmâh pazao lymâ chy, Tanoh chhao kô thieh âlyna Kyhchhina chanei heih awpa thokha cha ama y hlâh chy.