YMA-ta ama bie zyh leipa paw pakha nata a chhôhkhazy cha chhienoh/phanoh liata buakhei lei awpa ta bie ama pathlu

Serchhip Vengchung Branch YMA zy chata chavah ama pabohsa ngâpa liata ei palih tlai a ruta lâta Nga vaw patutuhpa cha YMA Zaleina hawhpa pachâpa ta YMA ta chhiena/phanoh liata buakhei lei awpa ta ama pathlapala.

Vengchung Branch YMA zy heta Branch ôna chhôh liata chavah ama pabohsapa, Chawmkai (Mat Chavah) tawhta Satial chavah taihta daihti reipi chhôh nga ama vaw pabohsapazy cha Krismas nata kôthieh hmosaipiepa châta Sao nata keipa ngâlâh hmâpa ta patuna daihti pahy ei ta, he patu theina daihti he târi 1 Nawh (January) tawhna khata pachhâsapa ta, he hawhta a daihti ama pachhâsa tawhna heta ama Branch ôna chhôh liata chyhsa pakha chata Dynamo hmâpa ta nga he vaw patu tyhpa ta, biesakâ ama vaw (Warning) tawhta chhao nga he avaw patu nopa patupa châ ta, Branch Committee zy sawta sa leina hawhta pachâpa ta Branch YMA chhihthatuhpazy chata YMA-liata membership Fee avaw pie hapa cha piepakhuapa ta, atakô chhôh châta chhienoh/phanoh liata ama chhôhkha buakhei lei awpa ta bie ama pathlu hapa a châ.