HRO HE CHATÔH AWPA A CHÂ

Biology pachutuhpa pakha heta ei kha cha achuhaipazy hnohta Tâbalâpa, lôhmipa lâta âvaw liena dâh he pachu ta. Achuhaipazy hnohna chata ‘dawhkaw reileipa liata lôhmipa bu tawhta Tâbalâpa ta abu kaw chatôpa ta kaw puapa achhuah aw ta, ahy hmahta nama vaw bao awpa châ vei, ano kho tlaita akaw pua awpa a châ’ tahpa a rei khai tawhta puasai haw ta.

Achuhaipazy chata lôhmipa bu tawhta tabâlâpa kaw pua awpa cha angiatialei kawpa ta mokhâ thlâh ha ei ta. Buakha chhôh tlai ama mokhâ tawhta tabâlâpa chata abu cha kaw chatô pathao haw hra ta. A bu akaw chatôna dâh cha arairu hmi kawpa vâta a ngiachhie hapa ma a châ ha tly siku hawti hry liata pakha chata ama pachutuhpa biereipa paraopa ta tâbalâpa cha lôhmi bu tawhta apuapathla thei n’awpa ta bao’pa achhuah hawh ta. Lôhmi bu cha parao pakeipa ta tâbalâpa ta rairu ta kawpa ta puasai awpa achhuahpa ta akaw chatôna tawhtapa cha pachhâpa ta lôhmi bu tawhna chata tâbâlâpa cha papua haw ta. Châhrasala, tâbalâpa cha a bu tawhta avaw pua tawhta buakha chhao atloh hlâta thi haw ta.

Ama pachutuhpa âvaw ngia nona chata hmo yzie cha chho para ei ta. Pachutuhpa chata cha hawhta tâbalâpa ta abu puasai awpa ta rairu kawpa ta abu akaw chatôpa cha leilô dâh ta a yzie awpa ta araopa rai châ ta, abu tawhta ano kho tlaita akaw puapa khata amahthlaw palaiseihsapa ta, thatlôna apiepa a châ tahpa ta chhopasia haw ta. Achuhaipa pakha ta abaopa vâna khata tabâlâpa khata rairuna akaw chatôhpa, achâta aphahnai tlôpa kha pahleipa ta, a thikhei hapa a châ.