Sahroh lao nieparuna biebuapa : CBI Court ta kô 3 nata thla 6 chhôh lô-O liata â tâh awpa ta Lalu Prasad Yadav a hrie

Special CBI Court, Ranchi chata sahroh lao nieparuna biebuapa a aopa RJD luhpa Lalu Prasad nata mohropa 15-zy chôta bietluna cha atanoh khata Video Conferencing siepahliepa ta a papua haw.

Special CBI Court heta Bihar chief minister parohpa Lalu Prasad cha kô 3 nata thla 6 chhôh lô-O liata â tâh awpa nata phusâ tlaw thysy 10 cheih awpa ta hrie ta. He biebuapa liata thailei pachâsapa mohropa Phool Chand, Mahesh Prasad, Bake Julious, Sunil Kumar, Sushil Kumar, Sudhir Kumar nata Raja Ram-zy chhao Judge Shivpal Singh ta kô 3 nata thla 5 lô-O liata â tâh awpa nata tlaw thysy 5 cheih awpa ta a hrie hra ei. Sunil Gandhi nata Jyoti Jha Tripurari zy deikua kô 7 â tâh awpa ta hriepa ama châ.