Barcelona ta Liverpool midfielder Philippe Coutinho cha £142m ta ama lapangia aw

Khizaw liata Player a chaleina mâ ru chaipa hrytapa châ awpa ta Barcelona chata daihti vâropi chhôh amâ vaw chadai pazi hapa Liverpool midfielder Philippe Coutinho cha £142m ta ama lapangia ha bâ aw.

Liverpool he Coutinho mâ châna heta sôh £105m dao tua aw ei ta – Barcelona heta Coutinho ama chaleina mâ he dusawta ta ama pie lymâ heih aw.

He kô 25-ta uhtheipa Brazillian playmaker heta Nou Camp liata kô 5 châh nata â khophie châh awpa ta biehraina roh aw ta, club hropa lâta pua thei awpa ta a mâ bitaina chhao 400m euros (£355m) po a châ aw.

Coutinho heta kô 2013 Nawh thlâpâ khata Liverpool he Seria A Club Inter Milan tawhta £8.5m ta âvaw pazaopa kha châ ta; Liverpool châta cha amâ pahniehna chaipa tah thei awpa a châ. Ama chaleina mâ hlâta a lie hluhpi ta mâ ru viapa ta ama zuah papua aw tahna a châ.

Coutinho hlâta Player mâ ru viapa panozy cha £200m ta Paris St-Germain ta Barcelona tawhta ama chaleipa Neymar nata £165.7m ta Monaco tawhta PSG ta ama chaleipa pyly Kylian Mbappe zy kha ama châ.

Khizaw Player mâ rupazy : 

- Fee (£)

£200m - Neymar (Barcelona to Paris St-Germain) 2017

£165.7m - *Kylian Mbappe (Monaco to PSG - *loan deal with option to buy) 2017

£142m - Philippe Coutinho (Liverpool to Barcelona) 2018

£135.5m - Ousmane Dembele (Borussia Dortmund to Barcelona) 2017

£89m - Paul Pogba (Juventus to Manchester United) 2016