N.Korea ta Nuclear bomb taona kyh liata hmahlana pachhâsa
North Korea chata ama râh luhpa Kim Jong-un ta US President, Donald Trump nahta amâ hmô awpa chôchâh liata Nuclear chaihrai liata hmahlana zydua a chalihsa aw tahpa ta bie âvaw taih hapa cha hlao a patloh hai.
He hawhta North Korea ta Nuclear chaihrai taopapuana kyh liata hmahlana a siekhei haipa a chalihsapa heta US dei châ leipa ta, Korean Peninsula liata ziza athata padia ha bâ ta. Kim Jong-un heta North Korea chata Nuclear bomb mopachhina su (Test site) chhao ama khaw aw, a tah hra.
I nata mie hawhta atliata liata rekahta â zotla ngâthlâh hapa, US Presidend Trump nata N.Korean râh luhpa Kim Jong-un zy he thla heihpa, Patô liana khita a hmô awpa ta ryraopa a châ.
