Chanô hawti kô 11-pa zizâpua â ngiena liata a pa-aosao tlamaw!

Atanoh (târi 14.5.2018) zâlâ dawh 4:30 rachhôh khata Aiduzawl khih, Mawrâh liata chanô hawti, Lalrinnungi kô 11 d/o T. K. Lalbiakzuala cha zizâpua â ngiena liata a piepasi tlamawpa ta a hrona a pahlei.

Lalrinnungi zy he ama chhôhkha ta khih tawhta a hla leipa liata ama lyu lâ sie ei ta, O lâ beih chhoh awpa ta padisa chhielie ei ta, beih a chhoh khai tawhta, amâ ziana chhôhpadâhpa liata zizãpua taopa ta a ngieh ta, zizâpua â ngie nona heta a piepasipa ta a rao liata a rie tlamaw ta, O liata ahy hmahta ama y leipa vâta cha hawhta â piepasipa cha a hu a chhâpâ ha a châ na ta pangiasapa a châ.

A thi nona heta a chhôhkhanah ahy hmahta y leipa ei ta, viahpa pakha, beih zuahpa ta ama O liata beih a kei zua nota a hmô hapa hawhta eima biehnawh chata a palâsa.

Source - Mizo World News