KKK Workshop Siaha liata hnei

(2 May 2018, Wednesday) : Atanoh liana kha ta Ministry of Agriculture & Farmers Welfare ry liata hmah lana chi kha, Gram Swaraj Abhiyan - Kisan Kalyan Karyashala (KKK) cha DRDA Hall, Siaha liata hneipa châ ta, Puhpa K. Chhuabei, EM(i/c PWD) cha Chief Guest châpa ta Programme a hmâkhei ei.

KKK ta âchhuah chaipa cha kuraihriapa (farmers) zy mohôhtuhpa Agriculture Officer, Agricultural Scientist zy nata Farmer zy ahmôpakhypa ta discussion hneipa ta Technology thiehpa hmâpa ta farmer zy income âvaw pôh via theina awpa a châ.

He hmahlana he India râh pôpalôhpa ta May 2, 2018 he ta Worshop hnei awpa tahpa châ ta, Theme châta “Doubling of Farmer's Income(DFI) by 2022” hmâpa a châ.

Siaha District liata Block sâno eima hneipa hawh ta Siaha RD Block nata Tipa RB Block liata, KKK Worshop Programme he ahmâ raihriepa châ ta, Tipa Block liata Puhpa K.H. Beihlo, E.M. i/c Agri, MADC ta KKK Worshop he ahmâ khei hra ei.

Siaha Block liata KKK Worshop apachhuahpanohtuhpa cha Agriculture Technology Management Agency(ATMA), Siaha Block, Siaha District a châ.

Chief Guest nata biereina ahneipazy ta kuraihriapazy hmahsiena a y theina awpa lâchhâh aheipa ta reih chyu ei ta, Farmers-Scientists interaction Programme chhao vâro tlai siekheipâpa châ ta, KVK Scientists nata Concerned Officer zy chhao ta kuraihriapazy ta hiahrina ama taopazy cha a chhy ei ta, he programme ahlaopa kuraihriapazy ta amâ thôhkhei kaw saipa ta pahnopa a châ.

Sawhkhâ bie hawh pyly ta Animal Husbandry & Veterinary Department ta Animal Health Free Clinic hneipâ ei ta, Sahro tlâh leipa asaipa ta mopa (check) pa ta sahro thohna chhao asaipa ta ama rai hra.

Siaha liata cha he workshop programme liana he ta kuraihriapa manôh 20 hnoh ta lymâ piepa châ ei ta, Sawhkhâ Order hawh ta kuraihriapazy hnoh ta leaflets chhao raipâ khaipa a châ hra.

Gram Swaraj Abhiyan(Village Self-governance campaign) he Panchayati Raj tha patlôtuhpa chhaichhi sâkha peimawh kawpa a châ.

(Edited & Published by BeiRôkhu Beitâ, I & PO, MADC)