Nobel Peace Prize dao awpa ta Donald Trump

May 3, 2018(MSR): Republican party Congressional member 18 zy chata, Norwegian Nobel Committee hnihta “US President Donald Trump ta athata hmah a lapa vâta Korean Peninsula liata adyuhna pua theipa ta a y ngâthlâh hapa, ziza sah ngâthlâh hapa padiapa ta aryhna patlôsa ta, he vâna heta Nobel Peace Prize he â phuh kaw,” tahpa ta ama moh rothlupa ta châ ama pangia.

Atakô 2018 châta Nobel Peace Prize dao awpa ta pahruana he, Parliamentarians, Professors nata py hawhtazy pangiapa châ ta, atahmâ he ahruana, he palyupalihna dao thei awpa moh 330 pahruana a ngia ha ta, pakhâta ta Nobel Prize Committee ta a thlipaso hai. He Nobel Prize heta US$ 1.4 million a sôh lâta â chakaih ta, khizaw palyupalihna hryta pasô a hlao chaipa a châ.