FIFA World Cup 2018 : Messi ta Penalty a pangialeina chhâpa pahnopapua haw!
Argentine forward nata Captain Lionel Messi cha ama pakhopã chaipa, Cristiano Ronaldo ta Spain nahta amâ khaih nota Hattrick a tao tawhta, Penalty a pangia leipa váta reipachhiena thlihpi ta a chanaoh pazao lymâ.
FIFA World Cup liata hniathiehpa Iceland nahta 1-1, Spartak Stadium liata amâ pahniethaina akhaihna liata Lionel Messi ta Argentina tlôna awpa Penalty a pangia leina chhãpa chhao pahno theipa a châ haw!
Messi ta Penalty a pangia leina chhâpa, Israeli Defence Minister Avigdor Liberman ta a reina liata cha, “Argentina nata Iceland amâ khaihna tawhna khata Messi khata achhuahnohna (Warm-up) châta Israel kha avaw hmiachhy awpa â ngiah tahpa â lâpasia kaw,” a ta. Israeli Defence Minister reizie ta cha, Messi ta Penalty a pangia leina chhâpa cha Argentina nata Israel Friendly Match akhaih awpa ta paryhsa khai hapa, amâ khaih khao heih leipa vâta avaw châ!
