I-LEAGUE CLUB MINERVA PUNJAB FC TA SIAHA LIATA PLAYER TLUANA TRIAL AMA KAW HNEI

I-League Club phapa nata adôkhâ kawpa, hmahsie chatlie kawpa, Punjab Club, Minerva Punjab FC chata ama Football Academy liata achu awpa tluana, Siaha khihpi liata vaw hneipa ta, Siaha thyutlia, Football a pahâhpa amâ hlao pha kaw.

Siaha District Football Association (SDFA) ta ama palâsana dâh liata, he ary liata palâsapazy he Minerva Punjab FC Academy liata achu awpa atlyhna/khopathliahna _Trial_ liata atlyhpa châ ei ta, henahzy he _Final Selection_ liata a hlao thei awpa ta atlyh chypazy ama châ :

*Under-10yrs*

1.Elijah Vanopha S/o Norman V Edom, Siaha Vaihpi.
2.Carrey Hauzamang S/o  Jacob J.Chawngthu Bualpui 'Ng'
3.K.Beiphasâ S/o K.Arei  N.Colony(Chhochhopaw)
4.L.Josh S/o L.Vabeiso N.Colony

*Under-13yrs*

1.John Lalrinawma S/o  Lalruatfela, Meisatla
2.C.Vanlalhmangaihkima.S/o Laltlanthanga N.Colony II.
3.Jason Khaimalsawma S/o Jacob J.Chawngthu Bualpui 'Ng'

*Under-18yrs*

1.Beipachharona S/o M.Sakha Zufc.
2.Lynathie  S/o ......
.ZUFC
3.LD.Khawchhing S/o K.Dôhmu CCP.
4.Tom John Beirapha S/o Z.Zyukha.N.Colny.
5.Malsawmdawngliana Chinzah S/o Buatsaiha Chinzah, MUFC

Henahzy he atanoh zâlã khata Final Trial hnei awpa ta Lunglei ngaikheipa ama châpâ hapa hawhta SDFA ta ama palâsa.

Kô 2005 liata Minerva Academy tahpa ta paduapa, Minerva FC heta football hleikhôta cricket club chhao hnei ta. Kô 2015–16 season khata I-League 2nd Division akhaihpa ta, champions Dempo pazipa ta 2-na ama châ. Kô 2016 Di/December khata Minerva he I-League 2016–17 season akhaih thei awpa ta AIFF ta _Direct Entry_ a pie ei.

I-League 2017-2018 Champions ama châ pâ ha hra.

Mara thyutlia, Final Selection liata a hlao thei ei sala tahpa khokheina a sâh chaipa eima hlâ.