ARTICLE : MARASAW, HMAH EIMA SIE THEI LEINA CHHÂPA...
By: Joel Mychhua Nôhro
Camp: Delhi
Âdo nata ma? Reih papua la na pachâna reih mah y!
1. Châthaina (Education) kyh liata Marasaw eimâ hnai kaw chypa vâta pho hropa hawta hmahsie thei ma pi. Thokha châ thai kawpa y hraw ei sala, Marasaw zy a vâtlâhpa ta lapa ta Châ thai leipa eima hluh via chy. Heta hi pachâ tyh na ta Nagamese nata Manipuri nah hela Thopi daoh tao chakhypa hma châ ei sala English zy ama thai kaw tyh. Keimo Marasaw graduate na hlâta ama pahnia pahnâ via salyu tyh; a yzie la keimo châ eimâ chu dâh he phatu vei tahpa âlâ kaw.
Eima Education System apha lei tawh cha achyta châ âkaw chu sâh viapazy pi ta eima pachâ na khoh katô pita, tlao eima hru lao pa eima lyu kaw!
Thaina hmeiseih pa eima hneilei vâta eima pachâna Râh châta hmâtlâh châ leipa ta hmahsie thei mapi, châ achyta âchu pasâ viapa hmata chata eima châ taw cha âchu leipa chhochhi cha Khatlu ta ma eima pachâna zy â naita abua vâ tly! Eima râh hmahsie awpa ta Literacy rate lia hmahsie tua awpa abyu.
2. Nieparuna(Corruption) vâ heta Mara eimâ sohsâh thei vei tahpa ama reih ho ngâsâ! Eima nieparu pa zyhe eima râh hmasie nawpa châta hmâh haw sihla eima phahnai khei kaw thlyu bao hnaita! eima râh heta Sawkhâ lâtawh Sôh hnawh phata hnei muarua leipa pita, Sôh chhao hmô hlû muarua hlei mapi, cha achyta Mara rah châta eima hmô tlakai pa a hmâ lei nawpa liata eima hmâ pathlei ha khia kheita Mara saw zy eimâ sohsah thai rai aw! Anodeikua nieparu na he reih ngâhlâ pita ahy zyma nieparu tahpa deikua pahno leipa ei nata ta chakia pa chhao hnei va na.
3. Marasaw he hmia moh hneipa nata a chyta hmo tao thei viapa bie la kawpa anodeikua achyta khisa naky nata raihria na kyh liata hno âsy viapa/riethei viapa zy pachâna nata thapasana zy nathlie thai leipa pita Chyhsa hmia moh y viapa nata hmo tao thei viapa reihpa mâih eima YES chakhy hlâ tyhpa heta Marasaw eima hmasie na maniah a pakhâ kaw hra pata ei pahno achhâpa cha, Chyhsa eima châna nata hnei na zy vâta á mo pa eih na a y vāta, Khitlâh nata Vaih liata â pôkha thei leipa pita! Thokha Sihpasa kawpa Mara thapasa kaw tlô hra pata keimo zy bie la lah paly heih vei ei tahpa pachâ na tawta Py liata âhmâ hoh leina palôh hneih pathao ta chataw cha daihti vaw sie ta Âpókha na hnei thei khao mapi.
4. Marasaw he eima bie kho tuh sai pita eima hmasie nawpa hawta hmasie thei mapi, apachai pata Py liata châna patu phapa zy chhochhi hela ama pachâ nalia ama sie kaw, Keima cheingei chhao ei châ hlâ ha! Eg:- Chhithatuhpa pakha tlai kha nama hmo tao pahe âdo vei heta he tlao tao u la pha vei mâ va tah la, ano chata reikah chahrâ pâ kaw pata acha vaw palie leipa chhaota a hmia phao â nano khai hana chyuta chá vaw chhy ta na pachâna la paly vei ei!! , Keimo Marasaw zy eima tloh leina nata thai leina zy âtao pathi âchhua leipa ta keimo pachâ nata eima sie tu hapa vāta eima hmasie na maniah pakhâ ngâsâ. Mara saw zy eima hmasie thei nawpa tala eima taochheipa nata tlo leina chyu zy âpy thai sihla, eima bie kho lei'paw sihla, Chyhsa pachâna la thei sihla he hlâta hma eima sie via awpa ei pangiasa. He bie kho eita pahe keimo mopakha nata Chhôkha liata châ leipa ta Py, Vaih nata Khitlâh liata ei pachhaipadai pa achâ.
Marasaw zy eima Chi nata Pho châna liata sia via lymâ pita âly âchhi hmeiseih anodeikua he tlupo â hra bâ pita eima hmasie tu leina chhâpa he na noâh ngyu aw, a chô liata Point's 4 eivaw roh pazy khi eima hmasie leina chhâpa zy cha châ Tlai anodeikua eima achhâpa lai chaipa la, Chi nata Pho ta maniah Padua tuhpa Khazohpa he Marâsaw zyta eima uasa leitu hapa vâta hmasie thei leipa eima châ, hmasie hmeiseih awpa eima kho khiahla kyh totie liata Khazohpa pahno sihla he hlâ heta Marasaw zy hma eima sie via aw.
(Source: MNN FB Group - https://m.facebook.com/groups/maralandnewsnetwork)
