Assam liata sawhkhâ Officer 19 ama patu
GUWAHATI/DIBRUGARH: BJP MP RP Sharma sawchanô â hlaopa ta Assam liata Sawhkhâ Officer 19 zy cha zâhnia khata patupa châ ei ta, Assam Public Service Commission (APSC) Exam 2016 liata amã chhyna kuzô nata ama kuzô â lyu lei vei tahpa hmôpapuapa a châpa vâta patupa ama châ, tahpa TOI chata a palâsa.
He APSC liata â do lei kawpa ta sôhthih hmãpa ta rai a patlohna he Dibrugarh Police ta âlaichadaipa ta, Assam sawhkhâ liata Officer 19 - Assam Civil Service (ACS), Assam Police Service (APS) nata APSC ry tawhta kô 2016 liata rai a rohpatlohpazy cha ama patu hapa a châ.
He hmodoleipa ama pahnopapuana dâh cha - Forensic hmâpa ta Exam liata amâ chhyna kuzô (handwriting) nata atlohpazy kuzô cha pakhâta ta achupasia ei ta, ámo kuzô chã leipa ta, mohropazy ta amã exam-pa tahpa ama hmôpapua hapa a châ.
Superintendent of Police, Dibrugarh, Gautam Bora chata he Officer 19 zy kuzô nata Answer sheet liata kuzô he alyu vei tahpa Forensic ta eima test tawhta eima hmôpapua, a ta.
He Officer 19 zy he APSC liata Rakesh Pal chairman a châ nota lapa châ ei ta, ano chhao he biebuapa ama pa-aopâ ha hra. He Officer zy heta APSC liata ama tloh thei n'awpa ta APSC Official zy cha sôh ama pie, tahpa hmôpapuapa a châpâ ha hra.
- TOI
