Kô 2017 liata Mizoram District 8 liata hawsaihpa a pihpazie nata a thipazie Report
Hawsaih pihpa liata deikua cha Mara hasaih pihpa hluh thei v’ei,mara laihsazy he ama chi a pha leipa ma a cha haw tly !!! Tlaikao,Lai laihsa zy ta saw hluhpi,original blessing ama dao nota keimo laihsanah zy deikua cha Krista liata eima Mapaw Abaraham laihreinô Sari hawh dei ama châ khai he zaw!!!!, saw hluh sa thei khao vei ei, heta he cha eima chheihpah liata pho hropa zy ngah khao leipa ta thlai y khiah pi maw ?
Khy,duah moh tua rai suh vy,Tlailao laihsa, Lai laihsa zy ta saw ama sana zie nata Mara laihsazy ta 2017 chhôh liata saw ama sana zie hih,a district ta eima moh tua aw :
Aizawl laihsa 8685, Lunglei laihsa 3107, Lawngtlai laihsa 2376, Champhai laihsa 1787, Mamit laihsa 1605, Siaha Mara laihsa 1596, Kolosib laihsa 1583, Serchhip laihsa 693,he he 2017 liata eima duahmo a cha. Khy, a pho lata ba sy, 2017 chhôhta Tlaikao hasaih pihpa zydua 17460, Lai hasaih( chakma a pahly pâ) 2375, Mara hasaih 1596.Mara hasaih pihpa hry tawh heta 276 ama thi,a hrohpa 1320 ama cha.Kô 10 chhôh eima pôh nawpa cha 13200,eima cha awpa a lyu,eima pôh chyh ngasa. Phopi he ama maluh chyhpa y vei ei.Eima reih a lei awpa he hlasa ta sa pi ta, eima maluh,reih hlâta alie sâh salyu ta peimawh viapa liata deikua cha si eima dia khai ha, eimâ chalih khai ha, tahma tawhta la eima palopasah pathao ba u sy.
Abeipa heta saw seihneipa la lyma he byhna a pie tahpa hih na pachâ beih hra tlyma,Davi kha Zese saw 7 hry liata a seihnai chaipa a cha. Mawsi kha ama unawh hry lia a seihnai chai, Zakaw kha Aisika saw seihnaipa a cha,Zawsi kha Zakaw saw 12 hry liata a seihnai chaipa pazipa a cha, Solomaw kha Davi saw sa hnôchaipa a cha,rei awpa a hluh kaw. He he khapa hropa vata vaw cha vei,Abeipa ta family planning a kho leizie palasana a cha. Marasaw pi cha, byhna to awpa maih riekhâh chhyh ha pi ta,kheihta a cha bao vâ ?
Ryureituh awpazy,Chief minister, cabinet minister, IAS officer, IPS, etc.etc.vaw pih thei khao v’ei,”aw vala vala i rui zel don maw” tahpa hla he eima theme song a cha lyma chhôh cha noh khaihpa hmi eima hmô khao vei zaw. Eima pachâ pathi heih awpa a byuh thlyu na. “Saw hluhpi cha pie aw na ta,phopi rônahpa ta ei cha tao aw”tahpa he Abeipa bie a duah thlahpa a cha. Maluh hluhpa he hmotaothei ei ta,rônah ei ta,chi a chhih ei ,piry ei ta,hneirôh ei ta,ama hry tawhta chyhsa chhithai,riahphapa,hmotaotheipa hluhpi ama pua tyh.Ei Fb viasa zydua nama pacha dah a cha hra tlyma?
By ~ Pachi Hlychho
