N.Korea ta rocket a kapapuana su parao pathao

REUTERS

North Korea chata ama râh Maw-notla lâta Rocket ama kapapua su cha a parao haipa hawhta Sattellite tawhta nohthlah ama lapa liata â lâ.

Sattelite tawhta North Korea Rocket kapapuana su, Sohae station nohthlahpa ama lapa tawhta US liata supi a hneipa mohpasiana raihriatuhpa, 38 North chata Pyongyang chata US liata bie âvaw taih hapa hawhta hmah a la haipa alyu kaw, ama ta.

US President Donald Trump chata, North Korea chhihtuhpa Kim Jong-un ta he hawhpa Rocket kapapuana su he avaw parao aw, tahpa reih ha ta, anodeikua kheihawhpa ma a parao aw, tahpa reih vei, a ta.

AFP : Sattelite tawhta nohthlah ama lapa

 North Korea chata Sohae cha Sattelite kapapuana su a châpa hawhta reih hrasala, US official zy deikua ta cha Missile kapapuana hawhta ama vaw reih tyhpa kha a châ.

He hawhta a châ nona heta, US Intelligence Agency zy ta North Korea heta a peimawh chaipa, Nuclear chhaichhi taopapuana deikua a hriapazao lymâ hawhta ama reih.