Siaha District liata Vote ahneipa 38353 ama y

Siaha; July 31: Atanoh zâlâ dawh 1:00Pm khata Pihnô Harleen Kaur IAS, District Election Officer nata DC Siaha office chamber-liata *Draft E/Roll for 2nd Summary Revision* palâhâh.

He  Draft palâhãhna liana heta DEO Pihnô Harleen chata, ECI(Election Commission of India) ta Election biepa ta a hmãpa cha *Accessible Election* tahpa a châna hawhta, zawpi nata PWD(Person  With Disability) zy chhaota a nao viapa ta vote ama pathla thei n'awpa ta nata Election nahta ahniahnipa hmo a nao viapa ta ama buakhei thei n'awpa ta Voters Fecilitation Centre sâkha rairie Siaha(39) nata Palâ (40) constituency-liata pahypa a chã. Polling Station chhao 5 taochhipa ta, 2 a yna thla awpa ta ECI hiapa a châ tahpa palâsapa châ ta, Siaha (39) Constituency ry liata PS -36 nata Palâ (40) ry liata PS - 43 liata a y bâ na ta a hnabeiseihpa a chã.

Atanohta Draft E/Roll palâhâhpa liana heta Siaha(39) Constituency ry liata chapaw voter-9878 nata chanô voter-10742, a zydua ta voter-20620 ta y ta; Palâ (40) constituency ry liata chapaw voter-8797 nata voter-8936 ama zydua ta voter-17733 ta ama y hai.

Hetana heta Siaha District pôhpalôhpa liata chapaw voter-18675 nata chanô voter-19678, ama zydua ta voter-38353 ama y. District Electors- Population Ratio he 585 (38353/66047) châ ta, District Electors Sex Ratio cha chapaw voter 1000 lymâ liata chanô voter 1054 ama y.

DIPR