Kolasib Jail tawhta â râpapuapa lôkâ liata tlasao

Kolasib District Jail tawhta â rãpapuapa, Lalchhanhima, kô 26 ta uhtheipa, Lalruala, Bairabi Ramhlun vaih sawchapawpa cha â râna liata lôkâ liata a tlasao.

Lalchhanhima he hâta hmiatuapa pachyh noh khata Kolasib Hospital liata Jail Ambulance hmâpa ta a chhipa châ ta, thohna-O tawhta amâ lie heihna lâta Jail ochhi ano vaihtuhpa ta a pahykhei chhôhta Motor tawhta eikhapi ta â râpapua ta, ama tlua tawhta District Jail kiah, Saidan vaih chyhsa O ry liata hmôpa châ ta, â râ awpa â chhuah heihna liata Saidan laikathi daih lâta lôkâ liata a zaw pathlahpa ta, â zaw pathlahna liata a luh â chhuhpa ta, a su liata cha-â leipa ta a thipâ ha.

A ri he zâhnia Abeipa noh liata post-mortem-pa a châ tawhta ama khih Bairabi lâ siekheipa a châ.