Siaha liata pa-ôpazypa nata paritheipa adyuhna lâthlôh achhih
Siaha August 25: Atamy dawh 6:30am khata District Tobacco Control Cell pachhuahpanohpa ta Siaha liata 'Spot the smoker activity and cleanliness drive' hneipa a châ.
He rally ta â chhuah chaipa cha pa-ôpazypa nata paritheipa adyuhna he, eima zydua maophaohna a châ hleikhôta eima zydua ta hriaparaohpa eimâ dyuh awpa he zawpi tao hialia awpa a châ, tahpa pahnosapa he a châ.
Rally he New Siaha vety lâtlei tawhta pathaopa châ ta; lâthlôh liata a puapa nata hnaihny theina hawhta pathaipa a châ pâ hra.
Khihliah liata châhnamei vaw pazy haipa ama hmôpa zy cha hawtipazy ta 'councelling'-pa ta, a phaleizie apachuna châ ama rai pâ hra.
Rally pachhâna Traffic Point, Siaha Bazaar liata function chyupa hmâpâpa châ ta. Puhpa ZT. Vawra Hmar, District Consultant, DTCC ta function he chhihthapa ta, Puhpa F.Lalbiakzauva, Addl. SP Siaha ta pasyuna bietapa reina a hnei.
He daihti liana heta 'X- Crew' zy ta â ngia kawpa ta ama lãh hleikhôta, Rally-liata avaw hlaopazy ta bietaina (pledge) pa-ôpazypa nata paritheipa liata aboh awpa nata, mohropazy pachuna kyh liata keih chakâ thei awpa ta bietaina ama hnei pâ hra.
Rally-liana heta school atlyhpa-eihpa tawhta peer educator chyhsa 100 rachhôh amâ hlao.
- DIPR
