SAFF SUZUKI CUP 2018 : India ta Final â ngia

Dhaka, Bangladesh : Manvir Singh ta si no khôpa ta, Sumeet Passi ta si kha a luh ta vaw supangia heih hrapa ta SAFF Suzuki Cup, 2018 Semi final liata India ta Pakistan cha 3-1 ta pahniepa ta final â ngia ha heih.

Photo Credit : twitter

India hmia asahna châ awpa ta Manvir heta minute 49-na liata za khôpa ta; minute 20 a khô tawhta Manvir pyly heta za khô heihpa ta, minute 83-na liata Substitute Passi ta India goal 3-na za khôpa ta Pakistan ama pahniena za pa-ipacha via heih ta. Pakistan goal y chhôhpa he Hassan Bashir ta minute 88-na liata a khôpa a châ.

SAFF Suzuki Cup final he atahmã hâta pachyhzâ khita 3-0 ta Nepal pahnietuhpa Maldives zy ta amâ khaih aw.