HLAPHÔH/POEMS

Free Verse

NGÂH VA NA

- Beimozachhi Hlychho

Sia lei kaw'ta hmô na ta, a hnazô,
Sia kaw'ta pahno na ta, hiavâh kuzô,
Sia ngâh tlôh na va, châhpydinô,
Ei eih châ awpa ta, ei D loteinô.

Ngâh va na, hlâ awpa lyubie toti,
Alôh chhei lahvâ na maw, D Siadi!
Kei châ a châ'ma Pachhâh sâhmia pati,
Hi leita a loh chhâzaw aw mâ raithli ti?

Hlâh kawpa Thlarâhnô hawh ei riari,
Ei sai châh kei nawhnai lôh a viavi,
A kyh pachâ lei'pa vâta dawhei lôh diati
Hawh awkhosâta a zô thlu vyhai ladi.

Ei lôhpi he kheita chho lahvâ na maw,
Ei thlahmih hnoh kheita haih lahvâ na maw,
Hnabeidyna liata meireipeih chhipa hawh,
Ei kyhpachâna lia lôhleina a chhi he zaw!