Dawh 48 chhôhta Pakistan chyhsazy pua khai awpa ta pahnosa

BIKANER, Rajasthan : Pakistan râh chyhsa, Bikaner, Rajasthan liata a ypazy cha dawh 48 chhôhta Bikaner khihpi puasai awpa ta District Magistrate ta biepiepa a papua.

Târi 14, February liata Jammu & Kashmir - Pulwama  liata CRPF 44 hlei ama thi tawhna khata Bikaner khih biehneituhpazy chata 144 of CrPC ry liata biepiepa papua ha ei ta.

He biepiepazy liana heta Bikaner district chhôh liata Hotel nata riebu nano nanopazy liata Pakistan chyhsa ahy hmahta patlôsa pasaipa châ vei, tahpa palâsapa a châ hra.

India chyhsazy cha Pakistan chyhsa ahy hmahta ama ry liata rai ama pahriasa awpa châ vei, tahpa biepiepa ama châ hleikhôta, India chyhsa ahy hmahta Pakistan chyhsazy nahta sôhdaohna kyh liata azaokhina ama hnei awpa châ vei, tahpa biepiepa pachyu kawpa ama papua hra.