India ta Pakistan a tlahnao rai khiahta la eimâ chhypaliepâ ha aw – Imran Khan

Pakistan Prime Minister, Imran Khan chata, "India sawhkhâ ta miah âvaw dyuh rai khiahta la, a pachâpasia leipa ta eimâ chhypaliepâ ha aw. Adyuhna pathaopa a châpa heta khataih râh miah a tlôkhei tahpa cha eima pahno khai, khataihlâ e maniah ngaikhei aw tahpa cha Khazohpa deita a pahno. He buana heta adaohna/reipahmaohna deita a pathlâpazi thei," tahpa ta atanoh khata CRPF 44 thina, Pulwama liata atlahnaona chôchâh liata thâtihthiehpa lapakhytuhpazy â pakyhna liata a rei.

Atahmâ duasu liata cha India nata Pakistan likah ziza he sâh ngâsâ ha ta. India biehneituhpazy chata hmo alaichadai angiahpa nata hmahlapazi angiahpazy cha India pheisaihzy ku liata eima soh khai ha, tahpa ta, “Ama khopa maih tao awpa ta ama khotalaina eima pie” ama tah hra.