FA Cup : Manchester United ta Stamford hleidy ama pacho

Zâhnia zâ FA Cup 4th Round akhaihna liata Manchester United ta Stamford hleidy pachopa ta, Chelsea cha 2-0 ta ama pahnie.

He akhaihna liana heta, atliata Manchester City hmiakô liata 6-0 ta vaw dua hapa, Chelsea manager Maurizio Sarri chata Chelsea cha "football noraih a chhihpa amâ khaih" tahpa ta tao theipa a hnei leizie a palása.

He akhaihna result vâna heta Chelsea boss Sarri he â tymâ via lymâ awpa za lyu ta, he hawhta a châ nona heta United deikua ta Ole Gunnar Solskjaer ry liata a eikha n'awpa ta Paris SG cha UCL liata ama pahnie lei tawhta Chelsea ama pahnie heihpa he thyu pathi heihna, tah thei awpa chá ta; FA Quarterfinals liata Wolves ama hmiachhy aw.

United goal khana he Ander Herrera ta Paul Pogba ta ball avaw chapiepa, 31-na liata a khôpa châ ta, goal nona he Pogba ta Marcus Rashford vaw chapiepa, a luhta a supangiapa a châ.