SIAHA DC thiehpa ta MJA Siaha zy apakyh

Siaha, February ni 18: Atanoh zâlâ dawh 1:00Pm khata Siaha DC thiehpa Puhpa Bhupesh Chaudhary IAS chata a office chamber-liata Siaha district MJA zy cha Press meet a hneikhei.

Siaha DC thiehpa heta Siaha District MJA member zy cha hmia apahnosana hneikheipa ta, apakyhna daihti pha kawpa a hneikhei ei.

Atanoh Press meet-liana heta Puhpa Bhupesh Chaudhary chata biereina hneipa ta, Siaha District liata MJA zy ta a pha kawpa ta sawhkhâ baokhâ tyh ei chi ta, eima hmia ta liata MP atlyhna eima kaw hmiachhy heih awpa liata chhao a pha kawpa ta baokhâ awpa ta ahawpa ta, chhosiena pie awpa nata hmo totie liata baokhâ awpa ta â haw ei.

DC Siaha Puhpa Bhupesh Chaudhary heta MJA Siaha he tlaw 5000 baona a hlâpâ ei.

Atanohta Press meet-liana heta DC he Puhpa N.Vabeiratlua, DIPRO ta a chakaochahlâ.