Myanmar pheisaih nata Arakan Army adyuhna vâta râhri vaih awpa ta India pheisaih zy Lawngtlai liata
The NorthEast Today, 18 February
: India
pheisaih company sâno rachhôh cha India nata Myanmar râhrina, Lawngtlai
District liata kaw sochhipa châ heih ei ta; he he Myanmar râhchhôh, India nata
Myanmar râhri daih lâta Myanmar pheisaihzy nata Arakan Army zy adyuhna a tlô
haipa tawhta râhri vaihna châta tahpa a chânazie TNT chata a palâsa.
Lawngtlai tawhta Report ta a palâsana dâh liata, Beinô chavah
(Chhimtuipui), Myanmar râhchhôh lâtapa chaby liata atahmâ thla thla thaona lâ
tawhna khata Myanmar pheisaihzy nata Arakan Army zy he amâ ka ha.
India pheisaih râhri vaih awpa ta kaw tlôpazy he Lawngtlai
District chho-notla lâ, Indo-Myanmar râhri liata soh awpa ta kaw tlôpa châ ei
ta, “Pheisaih thokha ta Lawngtlai vaw tlô ha ei ta, pheisaih thokha cha râhri
vaih a ngiah viana su lâ so hapa ama châ” tahpa Report chata a palâsa hra.
He pheisaihzy he râhri vaih awpa hleikhôta Arakan Army zy ta India
râh lâ amâ vaw ngia awpa vaih awpa hleikhôta, riahpaipa (Refugee)-zy deichhy
awpa ta he su liata sopa ama châ.
Atakô Nawh thlâpâ liana khata, Myanmar râh liata Police station 4
tlahnaotuhpa, AA zy adyuh awpa heta Myanmar sawhkhâ chata hmah vaw la ha ta;
zâkô 2017 Phiapi thlâpâ liana khata Rakhine State, Myanmar liata Arakan area
liata a pahrâpa chyhsa 1750 rachhôh cha Lawngtlai District lâ amâ vaw râ hapa
kha a châ.
He hawhta a châ nona heta, Lawngtlai DC chata zawpizy cha India
pheisaih ama vaw tlô lymâpa vâta chihu awpa nata thlahzoh awpa châ vei, tahpa
pahnosana a papua ha hra.
Source : The NorthEast Today
No comments