Siaha District liata thla 9 chhôhta nô saw phaohpa 3 thisaih liata HIV hmôpa a châ

Siaha, Hmypi 27: Siaha District Medical Department Report ta a palâsana dâh liata zâkô 2018 Khihpa (July) tawhta atakô 2019 Nawh (January) chhôhta chyhsa 370 thisaih mohpasiapa (Test) liata chyhsa 23 thisaih liata HIV hmôpa châ ta, he hryta nô saw a phaohpa 246 thisaihpa mohpasiapa liata nô sawphaohpa 3 liata HIV hmôpa a châ.

He chôchâh he atanoh my dawh 10:30Am liata DRDA's  District Rural Resource Centre liata DDCMC Chairman Puhpa CL Ruala, MP (Lok Sabha) sahlaota DDCMC/DISHA MEETING hneipa liata palâsapa a châ.

Siaha Medical Department ta Report ama piena liata ama palâsana liata, 2018 Khihpa tawhta 2019 Nawh thlâpâ chhôhta Siaha District liata nawh pihpa 1000 lymâ liata nawh pihpa zie (Birth Rate) cha 23 châ ta; nawh chô liata a thipa nô zie (Maternal Mortality Rate) cha 0 châpa ta, he daihti chhôh heta nawh chô liata hrona a pahleipa nô y vei ei, tahna a châ. He daihti chhôh pyly heta nawh pih thiehpa 740 y ei ta, he hryta 17 ama thi. Malaria pasana vâta thina a tlôpa deikua y vei.

DRDA tawhta Report piena liata Siaha  Dist-liata Job Card holder mi 14947 y hai ei ta, 2018-2019 chhôhta noh 78 ahlaona tao hapa châ ta. IWMP ry liata Fund tlaw thysy 275.802 (Lakhs) daopa châ ta, he tawhta tlaw thysy 244.222 (Lakhs) hmaâ hapa a châ. IWMP ry liata Physical Achievement ( in unit) 1953.78 hneipa a châ hra.

BDO Tipa RD Block ry liata PMAY(G) ry tawhta pahrâna O 117 sa patlô hapa châ ta. BADP (2017-2018) Fund tawhta rai nano nanopa 20 hriapa châ ta, 12 patlô hapa châ ta; 8 hria haipa a y.

BDO Siaha RD Block ry liata PMAY(G) ry liata O 86 sa khai hapa châ ta, MzSRLM ry liata Self Help group 56 ama y.

He hleikhôna heta PHED, Social Welfare Department, P&E Department, PWD nata DPC SSA tawhta zy Report nahthliepa a châ hra

- DIPR