Article : DAIHTI A SÔH ZIE - By Khaise Solo

Daihti he Ti hnôhlâ akua thai leipa hawhta a khô lymâ pa a châpa vâta Daihti reizie pahno thaipa ta eima patu thai awpa he apeimawh ngâsâ pa a châ.

He hawhta vaw reihpapua tuasala, *Pi Daihti* y ta, *Thi Daihti* y heih ta, *Thyudyu Daihti* y ta, *Pitloh Daihti* a y heih.

Eima thyudyu na Daihti liata eima hro keimo Sasyh ta eima vaopahnie leipa a châ khiahta cha, Daihti reipi a vawsie Daihti liata eima Thyudyu na Daihti liata eima y dâh apha leipa nata  eima piechheina Daihti zydua kha angiapachhi ngâkaw hr'ei sihla,y zie a hneithaipa vaw châ khao leip'aw ta, chhhâpalona taihta angiapachhina chôta Daihti eima hma awpa a châ.

*NÔPAW BIESO* liata *NÂZAW HLÂTA NA TLAN'AWPA SU APACHÂ TUA TEH*  tahpa ta aroh ta cha y zie cha, hmo totie eima tao/hria//rei/palâhâh hlâta hmo maniah a vaw liethlu/tlôthlu awpa nata hmo eima tyh awpa  zydua saihlâna chôta eima Daihti sôhpa he eima hma thai awpa he apeimawh ngâsâ.

Atahmâ hlâ Khizaw âsosâhpa hawhta *"MEDIA"* siepahliepa ta eima Chhôhso tawhta bie totie akawpuapa cha, Zawpi pahno thei awpa ta,palâsa/phualuah pa ta hiepatlah lymâ pa ta, eima Daihti sôhpa cha eima hma ngâ hai.

Hmo dopa nata hmo doleipazy cha pahno thei lymâ pita, bie dopa nata biedo leipazy chhao eima pahno thei lymâ hra.

Chahawh hrana chata, bie hmeiseihpa liata aduahpazy pahno thei pita *LAIBAI* achâ kawpazy chhao eima pahno thei lymâ hra

Thokhazy pita Chyhsa eimâ tah thai viapazy kha, kheihawhpa hmo tly ma, ataochhei/rohchheipa liata pamai khoh kaw pi ta, thokhazy liata deikua cha, maohphyuh hlâhdâhpa ta adua n'awpa ta Chyhsa thaina sona nata pahnona ahlypa ta adyuhpapua lymâ pa eima y heih hra.

Hmo totie he keimo sasyh ta achupasia awpa nata pachâpazih awpa he hluhpi abyuh tyh hra ta, eima pahno leipa nata eima thai leipazy chhao he nawhtaw padua leipa ta Chyhsa hropazy hiahri chakhiecharieh awpa abyuh na daihti vaw y tyh hra ta, cha dei adaih leipa ta *"CHÂBU"* reihpapua hluh awpa abyuh ta, keimo sasyh khata pachâpazina eima hneihluh awpa apeimawh

Ti lih chhôh liata *"NGA"* cha,a y nata y lei eima pahnopasia thein'awpa ta cha, Ti lih ry eima ngia tua awpa âbyuh.

Chahawh hrana chata hmo totie he eima pahnopasia khohpa tly ma, eima thai khohpa tly ma a ypa a châ khiahta cha, achupasia tua awpa abyuh ta hiahrina eima tao hluh awpa âbyuh tahna a châ.

Keima atahna liana heta taochheina hluhpi y tyh ta, Chyhsa hropazy mohnaona palôhrupa nata khâ sawta rei leina palôhru eima phaoh daihti liata keimo nata keimo sasyh khata, noza hmiachhie apathla tyh pita maohphyuh hlâhpa ta eima y tyh.

Khizaw asôsâh ta hmasiena achatlie lymâ pa hawhta keimo sasyh he ta hmo totie achupasia ta, pachâpazih na chôta, eima daihti chyu he hma thai awpa a peimawh chaipa a châ.

Hawti pa cha, nô py chhôh tawhta azapua noh tawhta kô 12 aphana taihta a chakâ thai vei khiah ta cha, cha Hawti pa cha, apihpasipa eima tah awpa a châ.

Chavâta Chô *KHAZOHPA* hrona daihti sôhpa maniah apiechhôh liana heta Noh ta daihti siezie pahnothaipa ta eima Daihti sôhpa he hma thai awpa a chhuah khai chyu suh vy