Article : KEILA KHOH TIARÂH NA! - By Joel Mychhua Nôhro

Eima Palei(tongue) ta hmo atlai châ nata la pathlei aru kaw tyh, ei Viasapaw nata bie eimâ chho châki ta , ei thei hmâ lei pata a Paw mohta ei vaw aw hmâ chhy bao ! eikha chhochhi a paw a y nohta ei aw tla maw ha! Siaha chhao he Saiha tahpa ta ei Palei tlai châ tu ta ei reichhei pahru ngâkaw tyh bao.

Chyhsa ta Saiha ama tahpa he, chhy thai lei kaw chyu pita , a moh dohpa/hmeiseihpa y hlâta âhriahri n'awpa ta miah ama paliepalâ tyhpa hela kho mahpi tah pita ! eimâ pasa-sa kaw sai pata ei pahno.

Khazia Tlaikao nata Saiha tahpa ta miah ama paliepa âhao kaw tlô pita , keimo ta Tlaikao reih eima palie ngâhlâ hei tlô tly i? Marasaw he keimo Chi nata Pho phana ngâlâh pachâ ta , eima chheipâh liata y pe'naw pachâ leipa, chi mâ eima châ ! Châ bao vâ , Veiseih kawpa mâ eima châ bao, anodeikua thokha ta eima tao pathlei ha tyhpa na achâ bao aw.

Marasaw châpaw/Biesâ roh thaipa hlupi ama y, anodeikua thokha hela eima reih  tha eima pasa tuhpa vâ tly ma? Chyhsa hropa hlâta thai via awpa eima kho tuhpa vâ tly ma ? Reih hropa he a biesâ(Spelling/words) chamie lai pata mara reih ta khâ châ soh awpa eimâ chhua tyh bao !! Keila kho tiarâna; Marasaw zy ta tlaikao reih eima paliepa liata âlâhâ viapa zy cha :-

1.Dawhsan - Daosâ (Podium)

2.Tlangzarh- Tlâzawh (Release).

3.Nuam = Pa-nuam-sa ( Pleasant)

4.Tlawmngai= Tlyngia(chivalrous)

5. Kut = Ku (Feast<n>).

6.Phei Khai = Phei Khai ( no particular words)

A hropa chhao nama pahno khia vaw pazao tua u;  chô liata ei palâsapa zydua hry liata Daosâ khi Keima cheingei  chhao ta eima Reih ta pahno mâh na ! Hmo apha n'awpa ta reipachhie ( Constructive criticism) kho pita anodeikua a dohpa(stand point) eima pahno lei pa he abuabâ kaw , he liala keichhao stand point vaw hnei vana , anodeikua a hropa zydua khila ei hnei hra pata ei pahno.

Tlazâwh tahpa reika he hmâ hlu kaw pita tlâzawh ta khao leipata Palâhâ tlâ ta awpa, chata eima kho vei khiala 'Release' ta hlâ s'u,  eima Padma Shree Awardee Puhpa A.Zakia chhao hiahri nata Reih paliepalâpa he Literature apa dypha sana pahno hlei hra vei , anodeikua Sahbaw(soap) zy deikua la taothai awpa châ khaovei na ata,' Mara reih hawta eima hmâ na a rei tu hapa vâta.

Phei khai tahpa khi reih n'awpa chhao pahno na! Kheita lâta ma eima hmâ thai hlâ tly ! hmä tuhpa ama hlupa chhao ta pahno na, tlaikao nata "Phei lai kan khai , Phei Khai rual in " tah pata hla liata zy ama hmâ pala pahno tyh nata keimo ta Phei khai eima ta pa hela , Chyhsa Byh liata phei eima khai tah na ma pahno na..navaw chhopasia pâ tua u !!

Tahmâ ta ei reih awpa he apeimawh eita kawpa nata Marasaw ta thata eima hmâ ngâpa, âlâhâ kawpa achâ,  Mongyu reih eima palie tyhpa hi ! khai khai ! Apha ei ta lei kaw, Mara reih ta palie lâlao pih va , a biesâ chamiechamâ lai tyh pita abua kaw ! Beisâ ru viapa hela a Spelling eima thai lei vâta hmâ kho tlô pita chamie salyupa eima lyu (😂😂😂) , hmeiseih tala cha hawpa eima y hrao nata pangiasa vana , eivaw saiso achâ khaw ! Nâvaw hao khiah la Spelling na thai lei vâta Mara reih hawta na roh tyh tahna tlä a châ.

English eima palie viapa na:--

1.Election -Elesaw

2.Motor - Mataw

3.Scooty- Sikuti

4.Lighter =Laiter

5.campaign= Kampain.

6.Football= FUTBAW

Ahlu tuha reih tia na

Achô liapa English reih khi eima hmâ viapa ei pahnopa hry liatapa achâ:, Mizo na chârohpa eima reih tyh khiahla reih palie pahe amâ paona a reih kaw bâ ! Anodeikua kei ei hru tu vâ ma achâ ma? Ei reih chy tu vâ ma? Keima pahno na liata la, he hawta reih pahno hlâ tlô pita eima palie pahe a tliata tawhta Marasaw hryta a y pa achâ pata ei pahno: English words âdoh lei kaw pata roh pacha hmô awpa a y tyh tlai, anodeikua kha khala ama pahno lei vâta châta Mara Reih lâta ama palie kho thohmo vâ achâ pata pangiasa vana,  a pamohpâsana châta Shillong zy Cilawng zy ta hlâ eita ama pahno lei vâ achâ tahpa âlâ kaw.

Election zy cha Elesaw ta ngâkaw byu lei pata Âtlyna tlâ châ ! Motor zy Mawtawh ta byu leipa ta Âhlua theipa tlâ châ! Cha reih awpa a