Satellite tawhta nohthlah lapa liata Balakot liata Terrorist Camp-zy â boh thlâh ha chy? India zawtheina zy ta Terrorist Camp ama parao tlai ma?
 |
| Balakot air strike: The high-res image from the location was released by Planet Labs Inc. |
NDTV : US Company miakha ta Balakot, Pakistan liata
Jaish-e-Mohammed Terrorist Camp, India zawtheina zy ta Bomb ta ama paraopa
hawhta reipa nohthlahpa ama papuapa chata a eichhiana a pahluhsa kaw. He
Balakot, Pakistan liata terrorist-zy Camp nohthlahpa he India zawtheinazy ta
ziza tawhta Bomb ta ama kei tlahnao khai tawhta lapa châ ta, nohthlahpazy liata
â lâna dâhta cha Terrorist Camp-zy he rao leipa ta, â duah thlâh ha chy.
He nohthlahpa he târi 26, February liata Indian Air Force ta
zawtheina hmâpa ta ama tlahnao khai tawhta San Fransico liata a ypa – Planet
Labs Inc ta News Agency miakha, Reuters hnohta ama piepa châ ta. Nohthlahpa he
sia kaw ta, terrorist camp liata O zy chhao a rao leipa alyu kaw.
He nohthlah alatuhpa Planet Labs-zy heta satellite chyhnawh kawpa 120
zy cha India satellite kapapuana supipa, Sriharikota, tawhta kô 2017 khata vaw
kapapua hra ei ta. He satellite ama kapapuapazy hmâpa heta nohthlahpazy he ama
lapa a châ.
India Satellite kapapuapazy ta nohthlah ama lapa khataihlia?
Planet Labs satellite-zy heta khizaw he 500 km ta â sâhpa tawhta
nohthla la ei ta, alei chô liata hmo, meter kha ta a laipa tawhta a chô lâ zy
cha a sia kawpa ta ama satellite heta nohthlahpa a la thei lymâ.
He hawhta Planet Labs ta nohthlahpa ama papua tawhna heta India
satellite tawhta nohthlah lapazy nahta alyu vei, tahpa ta sawhkhâ lâ tawhta a
eichhiana vaw pua ta, châhrasala, India satellite ta nohthlah a lapa zy deikua
atanoh taihta sawhkhâ ta palâhâh thei mâh vei.
Dr K Sivan, chairman, ISRO, ta NDTV a chhona dâhta cha India
satellite zy cha "pha khai thlâh ha ta, India pabohsana rai ama hria hai"
a ta heih tlô.
ISRO lâ tawhta ama reina dâh liata cha India satellite ta nohthlah
a lapazy cha National Technical Research Organisation (NTRO), lâ paphaopa châ
ta. Sawhkhâ dâh hawhta cha nohthlahpa, satellite tawhta lapa, meter sâkha hlâta
tataw viapazy cha zawpi hmô thei awpa ta chaluah pasaipa châ vei, ama ta.
India satellite hryta Balakot liata hmo a tlôpa nohthlahpa a sianô
kawpa ta palâsa theituh awpa ta reipa zy cha RADARSATS, Cartosats, Microsat-R, HySIS
zy ama châ.
He hawhta Balakot liata hmo a tlôpa, India satellite zy ta
nohthlah ama vaw lapa National Technical Research Organisation, liata nyupa a
châ nota, Politician thokha ta he atlahnaona liana heta terrorist 250 tawhta
400 ama thi, ama vaw tah ngâpa deikua noraih ama pachhihsa kaw.
No comments