Champions League Quarterfinals liata Cristiano Ronaldo a khaih thei thlyu vei?
Europe football biehneituhpa, UEFA chata Juventus forward Cristiano
Ronaldo cha Atletico Madrid nahta Champions League last 16 amâ khaih nota Goal
a khôpa â lyna dâh vâta biebuapa taopa ei ta, târi 21 Pamih khita ama hriena
dâh awpa bietluna ama papua aw.
Kô 34-ta uhtheipa Cristiano
Ronaldo heta 1st Leg liata ama tlô lei nota Atletico boss Diego Simeone
a pielyuna dâh â chhypaliepa hawhta he pahniena ama to nona heta a pielyu ta;
he heta UEFA mo avaw ka kawpa a châ.
2nd Leg liata Hattrick taopa ta 3-0 ta ama tlôna liana
khata, Penalty tawhta goal 3-na a pangia khai tawhta tlyliah kâ lâ â râpa ta, a
ku ta a chapaw châna cha chaphâpa ta, zawpi lâ a heihpa ta â ngia lei kawpa ta
a ypa hawhta â lâ.
Atletico Coach Diego Simeone chhao kha 20,000 euros (£17,000) ama
pacheisa ha hrapa kha a châ.
Juventus heta Quarterfinals liata Dutch club Ajax hmiachhy aw ei
ta, he liana heta Ronaldo he â khaih thei ma, tahpa cha târi 21 Pamih liata
UEFA bietluna liata â pahnieh ha bâ.
No comments