Flour Daniel Company Lia Mara Engineer Thiehpa Tloh

St. Vâbeibyhnâdaosa Beitâ(Hnahna), S/o Puhpa B. Zalena (L), Chheihlu khih/New Colony, Siaha cha Company pha kawpa Flour Daniel India Pvt. Ltd, subsidiary of Flour Daniel International, Texas HQ ta ahneipa liata tloh ta, Gurgaon office liata rai a hria pathao haw. 

Ano he thaina lâta B.Tech/B.E châ ta, Shillong tawhta a patlôpa a châ. 

Delhi liata rai ahria haipa,  Miranda House (Women's College) tawhta a vaw chu patlôpa Ls. Thaizi Beitâ zy nawhta a châ. Eimâ lykhei hmeiseih. 

Ano hriana liana heta Puhpa N. Zohmunga, Lungtian khihpa he a hria chhôhpa châ ta, Mawrâh tawhta,  ahriana tawhta kô 20 hlei apha bâ aw. 

A lahpi nata saw zy chhaota Dwarka liata ama pahrâ. Mawrâh chho lâta a ypazy eimâ pachy kawpa a châ. 

Puhpa Zohmunga chhao ta â lykhei zie a reih hra. A hria pasi kaw bâ tarawpa ta a vaw ngiapa ama y to leipa a saihei kaw tyhpa a châ.

 He company he 2017 liata Fortune 500 companies liata 153-na a châ. He hawhpa liata Marasaw St.Hnahna ta a vaw tloh theipa he eima lykhei hmeiseih. 

Abeipa ta byhnâ pie via lymâ sala, a sie laih lymâ n'awpa liata sapa nata thlahpa liata byhnâ dao lymâ mawh sy.

(Admin, MNN)