India Atlyhna Pipa 2019 : ECI ta a daihti nata noh a phuah haw
India râh atlyhna pipa hnei n’awpa daihti cha Election Commission
of India chata zâhnia khata a phuah haw. Mizoram Lok Sabha MP Seat 1 atlyhna
châta Vote pathlana daihti cha April 11 a châ aw.
Kô 2019 General Election cha chhaih 7 (Phase) lâta hnei awpa ta
ryraopa châ ta. Chhaih khana he April 11 liata hneipa châ aw ta, Vote pathlana
châta chhaih chhâna chaipa he May 19 ta hneipa châ aw ta, May 23 liata Atlyhna
chhichâna (Result) phuahpa a châ aw.
India Atlyhna Pipa hnei n’awpa daihti he zâhnia khata New Delhi,
Chief Election Commissioner Sunil Arora ta thâtihthiehpa lapakhytuhpazy hmiakô
liata phuahpa ta, minute 100 rachhôh daihti a hmâ. Atahmâ duasu liata India râh
liata Vote a hnei maluh thysâh 900 (million) y hai ei ta; he hryta thysâh 1.5
zy cha vote a hnei thiehpa, kô 18 nata kô 19 likah ama châ.
Kô 2019 liata Voter 900 million he kô 2014 Atlyhna hlâta Voter 84.3
ta hluh via ei ta. Polling Station chhao 10 lakhs a kaw châ ba na ta pangiasapa
a châ.
Atakô atlyhna chhao he Electronic Voting Machines (EVMs) hmâpa a
châ heih aw.
No comments