EPL : Man City nata Liverpool ama tlô nota Man United tlô vei ei

Liverpool ta Premier League hmiasahtuhpa Manchester City chadie via lymâ awpa ta zâhnia Abeipa Noh zâ khata Anfield liata ama khichhaipa Burnley vaw pahniepa ta Point 3 ama hlaopapua.

‘The Clarets’ Burnley heta minute 6-na liata Ashley Westwood ta corner tawhta avaw chapiepa, no-âhchhih kawpa ta kao chhôh lâ â ngiapa hmâpa ta 1-0 ta hmia â sah ei ta. Châhrasala tlyliah hneituhpa Liverpool heta minute 13-na liata Mohammed Salah ta tlyliah kâ lâ tawhta avaw chapiepa tawhta Roberto Firmino khôpa ta â zâ su palie ha heih.

1^st Half he nohkhih pha muarua leipa, thlih nata pareih hryta â khaihpa a châpa hnaihta akhaih ru kaw ta. Liverpool heta Sadio Mane ta minute 29-na liata a khôpa hmâpa ta 1^st Half liata 2-1 ta hmia amâ sah ha heih.

2^nd Half châ ta, Liverpool châta Firmino pyly avaw luah heihpa ta, minute 67-na liata Burnley defender Heaton ta ball a kaw chapie papuapa avaw la hmâpa hmâpa ta Liverpool châta za khô chhi heih ta; Goal charâta â ngia khao lei tawhta Burnley ta minute 90 khô dyupa liata Johann Berg Gudmundsson hmâpa ta si kha kaw khô heih hra ei ta, 3-2 a châ haw.

Châhrasala tlyliah hneituhpa Liverpool ta Burnley kao za chho lymâ heih ei ta. Mane pyly avaw luah heihpa ta, minute 90+3-na liata Liverpool goal 4-na cha a za khô ha heihpa a châ. Liverpool he 4-2 ta tlôpa ta, hmia asahtuhpa Man City cha Point 1 ta amâ chadai lymâ chy.

Pachyh zâ khata Man City heta Raheem Sterling ta hattrick a taopa hmâpa ta Watford cha 3-1 ta ama vaw pahnie hapa kha a châ.

 He hawhta a châ nona heta, Paris khihpi liata no-âhchhih kawpa ta Paris St Germain pahniepa ta Champions League Quarterfinals â ngiapa, Manchester United chata ama khichhaina tlyliah, Emirates liata tlyliah hneituhpa, Arsenal cha 2-0 ta pahnie vei ei.

EPL Point duasu (Top 16) :