Nochhi nata Notla Mararâh MTP Gen.HQ nôpawpazy ta Joint Meeting hnei

Zâhnia Târi 10.03.19 (Abeipa Noh) nohchhôh dawh 12:30pm khata Nochhi MTP HQ : Sabyh nôpawpazy nata Notla MTP Gen HQ : Siaha nôpawpazy ta Joint meeting hneipa ta, bie peimawhpa nano nanopa ama pathlu.

Puhpa PP Zalena President, MTP Gen HQ : Siaha chhihthana ry liata hneipa, Nochhi MTP HQ : Sabyh nata MTP Gen HQ : Siaha nôpawpazy atyuhpahmaohna, MTP Gen HQ Office, Siaha Conference Hall liata hneipa liana heta he ary liata Resolution zy he lôhraoh kawpa ta apyhpa a châ :

1.Joint Literature Committee : Mara reih rozie a lyupa ta eima hmâh thei n'awpa ta  Joint Literature Committee paduapa châ mawh sy tahpa châ ta. Committee member awpa ta he zy he raopa ama châ -

(1) Revd Nc Vabeilua, Convener
(2) Puhpa Thasia T.Azyu, Member
(3) Puhpa Derick Salai Solo, Member
(4) Puhpa P.Bôhia, Member.

Nochhi MTP tawhta member 3 raopa a châ hra aw.

2.Communication : Nochhi nata notla MTP zy azaokhina pha viapa nata apôhkhana pha viapa eima hnei hnei n'awpa ta asiepahliena lâthlôh pha viapa Laki-Paletwa, Siasi-Ngiaphia  nata Beinô hleidy dao awpa ta biehneituhpa lâ tlôkheipa châ mawh sy.

3.Joint Cultural Meet :  Joint Cultural meet hnei awpa ta hmahlapa châ mawh sy.

4.Joint Megazine : Joint Magazine taopa châ sala, Joint Literature Committee ku liata sopa a châ aw.

5.Paritheipa & Smugling adyuhna:- Nochhi nata Notla MTP branch zydua liata thatlô kawpa ta Paritheipa nata Smugling hmo Meithei nata Chariah chhaichhi zydua adyuhpa châ aw ta. He hmozy he MTP Branch, avaw patutuhpazy ta abyuhna nata â ngiahna hawhta Action ama la lymâ thei aw. Rairuna amâ tyh khiahta cha HQ lâ vaw tlôkhei lymâpa a châ aw.

Joint Meeting patlôpa a châ tawhta Circuit House, Siaha liata Zâ pati pahâh ngâsâpa dôhkhohna hneipa a châ.

He Joint Meeting liana heta Nochhi Mararâh MTP Gen HQ : Sabyh lâ tawhta - St Vakhithie, President; Puhpa Nc Lysia, GS; St Beiròna, AGS; St Beibei Beita, Fin Secretary; St Lòkhai, Musical Secretary; St Zòthai, Bydi Editor-in-Chief zy a hlao ei ta.

MTP Gen HQ : Siaha lâ tawhta Revd NC Vabeilua, Senior Adviser; Puhpa Thasia T.Azyu, Senior Adviser; Puhpa PP Zalena, President; Puhpa Kichhò Chozah, Sr V/President; Puhpa L.Beirangia, V/President; Puhpa C.Siatha, GS; Puhpa Pahmò Hlychho, Secy I/c Fin.; Puhpa Reuben Hlychhò Secy I/c G&S; Puhpa J.Ngòchyu Secy I/c A&C; Puhpa L.Duhkima Secy I/c Social Welfare; Puhpa CL Hranga Secy I/c Info & Pub; Puhpa H.Vabeitha Exe.Member; Puhpa Derick Salai Solo, Exe.Member; Puhpa TT Khulua, Exe.Member; Puhpa P.Bôhia, Exe.Member; Puhpa C.Mochònò, Exe.Member; Puhpa K.Beichò, Exe.Member zy amâ hlao hra.