Minute 2 ta a hawhpa vâta zawtheina apiepasipa tawhta a boh

ATHENS, GREECE: Zâhnia ta Ethiopia zawtheina a tlapa liata a kiah awpa, Greek chyhsa pakha cha Minute 2 ta Airport a tlô hawhpa vâta â boh haw! He zawtheina liata akiah awpa 150-na châ awpa ta Ticket la khai ha ta, anodeikua minute 2 deita ta a hawhpa vâta kiah hmâ khao leipa ta, â boh hapa a châ.

He chyhsa, Antonis Mavropoulos heta Facebook liata he hawhna heta a tawhpapua, "Zawtheina kiah hmâ awpa ta â ngiana chhikao tlô awpa ta ahy hmahta na bao khoh leipa ei ta ei hiehâh ngâsâ thlâ ha ta, anodeikua ei vâhneina noh tlao avaw châ ha” tahpa ta zawtheina Ticket a la khai chiehpa nohthlahpa a tawhpapua pâ.

Mavropoulos, he International Solid Waste Association liata President a châ haipa châ ta, UN Environment Programme, a hlao awpa ta sie awpa a chhuahpa a châ tahpa a rei.

He zawtheina liana heta a kiah awpa châ ta, anodeikua zawtheina kiah awpa ta â thaopa cha, zawtheina a ngiana chhikao a tlô hlâta minute 2 ta hawhpa ta, amâ zaw sai hapa a châ.