Mizoram MP Seat 1 achhu awpa hryta MNF Candidate C.Lalrosanga hneirô chai

Aizawl: Târi 11, Pachawh 2019 liata Mizoram ta Lok Sabha MP Seat 1 a hneipa a chhu awpa ta Candidate 6 ta moh pangiapa ta, he hry heta chanô pakha â hlao.

Mizoram liata sawhkhâna a patu haituhpa Mizo National Front (MNF) ta Doordarshan director general parohpa, C Lalrosanga padua ei ta, Zoram People’s Movement (ZPM)-Congress apakaohpa ta Lalnghinglova Hmar (Tetea Hmar), Journalist nata Mizoram Football duasu pananotuhpa ama tah tyhpa cha MP Candidate châta ama padua hra.

He hawhta a châ nona heta Mizoran BJP cha State vice-president nata Chakma politician hlôpa Nirupam Chakma padua ei ta, People’s Representation for Identity and Status of Mizoram (PRISM) ta TBC Lalvenchhunga ama padua hra.

Deputy controller of mines rai avaw patu hapa, Lalhriatrenga Chhangte, nata Lalthlamuani, chanô a y chhôhpa zy ta Independent ta a duah awpa ta ama moh ama pangia hra.

He MP Candidate 6 hry heta, C Lalrosanga (kô 62), MNF Candidate heta Rs 13.12 crore hneipa ta Candidate hryta hneirô chaipa châ ta. Lalrosanga heta a affidavit liata (movable assets) Rs 62 lakh nata (immovable assets) Rs 12 .5 crore a hneipa hawhta a palâsa.

He MP Candidate châta nomination a file hapazy he atanoh heta ama nomination mopadona (Scrutiny of nomination papers) hneipa châ aw ta, târi 28 Pamih taihta âsypakhua theipa a châ.

Read Source - https://www.eastmojo.com/mizoram/2019/03/26/mizoram-6-in-fray-for-lok-sabha-polls-3-for-assembly-by-election