N.Korea luhpa Kim nata US President Trump zy apakyhna hlaotloh vei

Vietnam liata US President Donald Trump nata North Korea râh luhpa Kim Jong-un zy adaohna cha yzie hnei muarua leipa ta, kheihawhpa liana hmahta aryhna hnei thei vei ei.

North Korea foreign minister Ri Yong Ho chata he apakyhna/adaohna a chhâ tawhna heta, "US ta adaonha/apakyhna hropa hnei heih awpa achhuah kaw hrasala eima palôh panano pyly aw vei" a ta.

Trump chata North Korea ta ama chôta hriena (sanctions) ama chaluah haipa zydua cha phie awpa ta US he ahaw ta, he he paryhsa ma pi, a ta.

Zâhnia zâ rei lâta thâtih thiehpa lakhytuhpazy hmiakô liata N.Korea Foreign Minister Ri chata North Korea heta ama chôta hriena ama chaluah haipa zydua pahluh awpa tah leipa ta, hriena thokha pahluh awpa ta â hawpa dei a châ tah ta.

Ri heta US hnohna heta Yongbyon nuclear research centre chhao US ta a mokheina ry liata eima khaw aw, tahpa taihta eima rei, tahpa ta, "He pahruana he atahmâ duasu liata cha US nahta eima likah ziza mopa ta Nuclear pachhâsana lâthlôh eimâ chhi thei chhôhpa cha a châ chy" a ta.