Siaha District liata Vote a hneipa chyh chaina khih SUPHA

Mararâh liata Vote hneipa a chyh chaina khih cha Supha khih châpa ta, Vote a hneipa chyhsa 53 ama y.

Zâhnia zâlâ dawh 4:00Pm khata Siaha District Election officer nata DC a châpa Bhupesh  chaudhary IAS chata April noh 11 ta Mizoram liata Member of Parliament atlyhna vaw y awpa chôchâh liata thâtihbu chyhsazy nata Political Party nano nanopa vyuhtuapazy hmiakô liata atlyhna chôchâh liata pahno awpa angiahpa nata peimawhpazy reina a hnei.

MP atlyhna vaw y awpa liana heta Siaha district-liata voters 39522 y hai ei ta. Chanô voters 20289 nata chapaw voters 19233  y haipa ta, Service voters  145 a y hai hra. Polling Station 79-liata Siaha AC ry liata Polling Station 5  nata Palâ AC ry liata  Polling Station 2 zy cha webcasted ama châ aw. Siaha district liata voter chyhsa chaina Polling Station cha 40/41 Supha Polling Station châpa ta, voters 53 y ei ta, voters hluh chaina cha 39/19-New Colony- III Polling station châpa ta, voters 1111 ama y.